صنيه فرخه محشيه ارز باللحمه المفرومه
فراخ محشيه ارز ولحمه مفرومه المقادير: فرخه كامله “وزنها حوالي كيلو” 1/2 كوب ارز 1/8 كيلو لحمه مفرومه 1/2 كوب زيت معلقه كبيره صنوبر معلقه كبيره فستق او لوز “اختياري” معلقه كبيره دقيق معلقه صغيره ملح معلقه صغيره قرفه معلقه صغيره فلفل اسود حبهان مطحون 2 ورقه لاورا الطريقه : 1- احضري الفرخه واغسليها كويس، وتبليها بالدقيق ونصف كميه الفلفل الاسود والحبهان المطحون والقرفه . 2- سخني الزيت وحمري فيه الصنوبر، وبعد كده طلعيه وحطي الفستق او اللوز وسيبيه يتحمر وطلعيه. 3- حطي اللحمه المفرومه في نفس الزيت، وضيفي عليها الملح وباقي كميه التوابل اللي عندك، وقلبيهم مع بعض على النار، واول ما تحسي ان اللحمه استوت ضيفي عليها كوبايتين ميه . 4- ضيفي الارز على اللحمه المفرومه ، وقلبيهم مع بعض وسيبيهم على نار هاديه لغايه ما تحسي ان الارز شرب الميه واستوى. 5- بعد كده ضيفي الصنوبر والفستق على الارز، واحشي الفرخه بالارز ده، وبعد كده خيطيها، او اقفليها بعيدان الخشب. 6- حطي الفرخه المحشيه بالارز في حله على النار، وضيفي عليها كوبايتين ميه وورق اللاورا، ولما تلاقي الميه بتغلي غطي الحله ، وسيبيها على نار هاديه لمده 40 دقيقه . 7- بعد كده حطي الفرخه في صينيه الفرن، ودخليها الفرن على درجه حراره عاليه وسيبيها لغايه ما وشها يتحمر وبعد كده قدميها.. وبالهنا والشفا.
http://www.nmisr.com/vb/showthread.php?t=135791
