طاجين الجلبانة بالكفتة

طاجين الجلبانه بالكفته

المقادير :
كفته الكميه اللي بغينا من ربع كيلو حتى ن كيلو
ملحه . كمون .حمره . يبزار . سكنجبير . بسيبسه . قرفه
قصبور حبوب مطحون
3 الى 4 اوراق نعناع مطحونين
ابيض بيضه
بصله محكوكه
زلافه د الجلبانه مصلوقه لمده 10 دقايق
3 ضروس د الثوم
ورقه سيدنا موسى * الرند *
4 د مطيشات محكوكين
بيض العدد اللي بغينا 3 او 4 او اكثر
نص كاس صغير زيت مخلطه : عاديه وبلديه
الطريقه :
ف طاجين ، نعملو مطيشه محكوكه ، الثومه ، ملحه ، كمون ، الربيع ، نص كاس صغير زيت عاديه ، الرند ، كنعملو كلشي على نار مهيله ، من بعد نرميو جلبانه بعدما نكونو صلقناها وصفيناها ، نرميو كويرات ديال الكفته ، وف الاخير نفقصو عليهوم البيض ، غير يبداو يشبرو راسوم نطفيو العافيه ، و نخليوهوم يكملو الطياب ف الطاجين وهو مغطي ونقدموه بالصحه و العافيه