طرق سهله لازاله رائحه الفم
علشان كده هنعرف ايه هي الخطوات اللي ممكن نمشي عليها علشان نتخلص من المشكله دي…الخطوه الاولى
نغسل اسناننا كويس
لازم نغسل اسناننا كويس بالفرشاه والمعجون بعد كل وجبه … لكن لو كانت ظروف عملنا بتتطلب اننا نقعد طول النهار بره البيت ومش هنقدر اننا نغسل اسناننا بعد كل وجبه يبقى في الوقت ده نمضمض اسناننا كويس بالميه بعد الاكل… ولازم نهتم كويس قوي اننا نغسل اسناننا الصبح وبالليل بالفرشاه والمعجون.
الخطوه الثانيه
نستخدم خيط الاسنان
يا ريت اننا يكون عندنا في البيت خيط اسنان “الخيط السني” علشان كل يوم بالليل بعد ما نتعشى ونغسل اسناننا بالفرشاه والمعجون -زي ما اتفقنا- نستخدمه؛ لان الخيط ده هيساعدنا على التخلص من بقايا الطعام اللي ممكن الفرشاه ماتقدرش انها توصل لها وبكده نبقى ضمنا نظافه كامله ..
ولازم ناخد بالنا ان خيط الاسنان ده يكون متوسط في الليونه علشان مايوذيش اللثه .
الخطوه الثالثه
نزور دكتور الاسنان بشكل دوري
انا دايما بافضل اننا نعمل فحص دوري على اسناننا ونروح لدكتور الاسنان مره كل 6 اشهر على الاقل علشان نقوم بعمليه تنظيف كامله للفم والاسنان وازاله الجير والتسوس والبكتيريا اللي ممكن انهم يسببوا رائحه كريهه للفم.
الخطوه الرابعه
ناكل خضروات كتير
نحاول ان اكلنا يكون فيه نسبه كبيره من الخضروات؛ وده لان تناول البروتينات “اللحوم” اكثر من الخضروات بيساعد على تنشيط جراثيم الفم اللي بتسبب رائحه كريهه للفم.
الخطوه الخامسه
نشرب سوائل كتير
من ضمن الاسباب اللي بتسبب ظهور رائحه للفم هو الجفاف اللي ممكن انه يصيب الفم علشان كده يا ريت اننا نحرص دائما على ان فمنا ما يكونش جاف… وده عن طريق اننا نكتر من شرب الماء والسوائل؛ وده لان الميه بتساعد على ترطيب الفم وبتجعل اللعاب اقل كثافه في الفم؛ وده لان اللعاب الكثيف بيكون مصدر غذاء غني للبكتيريا اللي بتسبب حدوث رائحه كريهه للفم..الخطوه السادسه
ناكل لبان بعد الوجبات
يا ريت اننا ناكل لبان بعد الوجبات خاصه انواع اللبان الخاليه من السكر او اللي بنكهه القرفه ؛ لان اللبان اللي بنكهه القرفه بيساعد على تنظيف الفم من بقايا الطعام وبيساعد على تخلص الفم من 50 % من البكتيريا اللي بتسبب رائحه كريهه للفم ده بالاضافه الى ان القرفه بتحتوي على زيت طيار بيساعد على قتل البكتيريا الموجوده في الفم.
الخطوه السابعه
نغير فرشاه الاسنان بصفه دوريه
لازم نستبدل فرشاه الاسنان القديمه بفرشاه جديده كل شهرين او ثلاثه .
الخطوه الثامنه
الاقلاع عن التدخين
التدخين من الاسباب الاساسيه اللي بتسبب حدوث رائحه للفم وعلشان كده يا ريت اي حد بيدخن يحاول انه يقلع عن التدخين لان مش بيسبب رائحه كريهه للفم وبس ده كمان بيسبب اصفرار الاسنان.
الخطوه التاسعه
نخلي دايما قرنفل معانا
فيه حاجات زي “البصل” او “الثوم” بتترك بعد اكلها رائحه غير مستحبه علشان كده يا ريت اننا بعد ما ناكل اي اكل فيه “ثوم” او “بصل” اننا نغسل اسناننا كويس وبعد كده نمص قرن قرنفل؛ لان القرنفل مطهر جيد للفم.
