طرق لتزيين المنازل
– افضل طريقه لوضع الملايات في الدولاب حطي كل ملايه في كيس المخده بتاعها بكده نفسك هتتفتح لما تفتحي دولابك وهيبقي الدولاب مرتب وجميا زي الصوره كده
– اصنعي بوكيه ورد بنفسك وبدون اي تكلفه وحطيه علي السفره مع الاكل صدقيني شكله هيبقي روعه وكمان كفايه انه هيبقي من تصميمك
-لوني حبات الفاصوليا واستخدميها في التزين وحطيها في كاسات كده هتبقي روعه
– ضعي ورق الجرائد بين الحاجات اللي انتي مخزنها سواء كنتي عروسه او غيره هتقوليلي ليه هرد عليكي واقولك علشان الجرائد دي بتمتص الرطوبه والروائح زي الصوره برضه
– استخدمي الاسلاك والخرز والكريستال بمعني اصح الحاجات بتاعت الاكسيسوريز ممكن تعملي شوكه وسكينه ومعلقه ليكي ولجوزك تبقي حاجه مميزه ليكوا
-عارفه الطباشير الملون يا فتوكه منك لها هاتيه وهاتي الالوان اللي تحبيها وهاتي ملح وهاتي برطمان واعملي منه اشكال زي الرمل الملون كده
– عارفه شماعات المطبخ اللاصقه هاتيها وبدل ما تحطيها بشكل راسي اعملي العكس حطيهم بشكل افقي في المطبخ وعلقي فيهم ورق الفويل او الكلنكس
– لو عندك بقعه في السجاده ومش عارفه تطلعيها ازاي اعملي خليط من الخل والمياه ورشيه علي البقعه وهاتي فوطه حطيها عليها سخني الكواه كويس وحطيها علي الفوطه والبقعه ان شاء الله هتطلع علي طول
