انا جبت صدور فراخ وخليتها وقطعتها مكعبات
يعني ممكن تجيبي نص كيلو بانيه وتقطعيه مكعبات
وتتبليه التتبيله بتاعت البانيه العاديه
( بصله كبيره مفرومه + ملح + فلفل اسمر والتوابل اللي تحبيها )
وتسيبيها ع الاقل ساعتين وبعدين تحطيها في طاسه سخنه ع النار
وتغطيها وتهدي عليها النار بتنزل مايتها وتستوي منها ودي صورتها
ولما تستوي سيبيها على جنب
*******
دي المكرونه الاصليه اللي بيتعمل منها النجرسكو
اسمها مكرونه شرايط زي الاسباجتي بس مبططه شويه
ده شكلها
ودي شكلها بعد ما اتسلقت
نجهز بقا الحشوه
ملعقه كبيره سمنه في طاسه وع البوتاجاز
نضع عليها بصله كبيره مقطعه
ولما لونها يبقى ذهبي نضيف ملعقه توم مفروم
تقلبيها شويه وتحطي فلفل اخضر مقطع
وتقلبي دقيقه كده من غير ما الفلفل يتهري
وتضيفي طمطمايه متقطعه
تقلبيها تقريبا 3 دقايق لحد ما تبدا في التسبيك كده
فاكره بقا الفراخ المتقطعه اللي ركنناها بعد ما استويت
نجيبها بقا ونحطها هنا كده
وده شكلها بعد ما قلبناها تقليبتين متقلبيش كتير هيه مستويه اصلا
******
التجهيز للحشو بقا
انا جبت 1/8 جبنه رومي وفلفل اخضر واسمر وبقسماط مطحون
هقولك هنعمل ايه حالا
هنبشر الجبنه الرومي انا جبتها قطعه واحده عشان تبقا سهله وانا ببشرها
نجهز بشاميل زي العادي اللي كلنا عارفينه بس نخليه خفيف شويه عن بتاع المكرونه معلش نسيت اصور طريقته بس اظن كلنا عارفينها
*********
هنا بقا هنبدا نرص الصينيه
نجيب المكرونه المسلوقه ونحط عليها شويه بشاميل ونقلبها
نقسم المكرونه نصفين ونحط نصفها في الصينيه بعد ماندهنها بسمنه ورشه دقيق خفيفه
نضع الحشو ونحط عليه حلقات الزيتون
نحط باقي المكرونه النصف التاني
ونحط بقا الباشميل لحد مانغطيها
نرش شويه بقسماط مطحون ع الوش عشان تخرج من الفرن متماسكه
ونحط عليها الجبنه الرومي المبشوره
وعالفرن عدددددددل
وده شكلها بعد ما طلعت من الفرن
*****
***
**
*
*
*
وهنا لما قطعتها
شايفين متماسكه ازاي
