طريقه رموش الست
المقادير
1\2 كوب زبده لينه
4 معلقه كبيره سكر بودره
1 بيضه
1\2 معلقه صغيره فانيليا
1 كوب دقيق
1 معلقه كبيره دقيق سميد ناعم (دقيق بسبسوسه )
1 معلقه كبيره جوز هند
1 معلقه صغيره بيكنج بودر
خليط التلميع
صفار بيضه – 1 معلقه صغيره لبن – 1\2 معلقه صغيره فانيليا
الشربات (القطر – الشيره )
2 كوب سكر
1 كوب ماء
1\2 معلقه صغيره عصير ليمون
1\2 معلقه صغيره فانيليا
الطريقه
الشربات (القطر – الشيره )
نضع السكر مع الماء على النار حتى يبدا الخليط فى الغليان .
يغلى نضيف عصير الليمون ونقلب ونتركه شويه عشان عاوزينه يبقى سميك اوطخين .
نحصل على السماكه المضبوطه نطفي النار ونزود الفانيليا ونقلب ونتركه يبرد .
رموش الست
نضع زبده والسكر مع بعض ونقلبهم بايدك او بمضرب يدوى .
نضيف البيض والفانيليا ونستمر فى الخلط بسرعه وفى اتجاه واحد .
نضع المكونات الجافه مع بعض ونضيفهم ونستمر فى الخلط لغايه ما تتكون كوره .
ندهن الصينيه زيت او سمن ونبدا نشكلها كور صغيره .
بالشوكه نضغط بيها عليها عشان تعمل شكل الرموش عشان يبقى اسم على مسمى .
نخلط خليط التلميع مع بعض ونلمع الوش بيه باستخدام فرشاه .
نسخن الفرن على حراره متوسطه 170 درجه بتاخد من 10 – 15 دقيقه على حسب المقاس .
تطلع نسقيها بالشربات (القطر )البارد وهى سخنه ونضعها فى مصفاه عشان تنزل الزياده .
- صور حلويات رموش الست
- طريقة عمل عيون الست
