طريقه سفوف بجميع خطواته
*-500غ اللوز مسلوق ومقلي ومهرمش
*-500غ جنجلان منقي ومحمر ومطحون
*-500غ الزبده سبيسيال مدوبه
*-350غ سكر كلاصي نوع ممتاز
*-500غ عسل زمزمي (ضروري)
*-كيلو طحين فورص محمر ومغربل
نصف رابعه نافع البلدي=125غ منقى ومطحون ومغربل
*-معلقه صغيره القرفه
*-3درهم المسكه حره
*-حبه كوزه
بعد ما يتغسل جنجلان وينشف ويتنقى
تنحمره في كسروله من احسن باش ما يبقش يطير عليا نولي ضربه ههههههههه
كنتركه يبرد مزيااان ونقصو منو زلافه صغيره
تنطحنو نافع البلدي ونغربله
تنعمله في اناء كبير شيئا ما وتنضيف ليه جنجلان اللى حتفضت بيه بلا طحين
وباقي تنطحنو مزياااان ونضف على مكونات سابقه
اللوز حتى هو من بعد ما تسلق ونشف وتقلى تنهرمشه فقط ما تنطحنوهش
كنحك الكوزه
كنضيف القرفه
وكنندق المسكه الحره بهاد طريقه باش ما ضعش ليا في خلاط كهربائي
وكنغربلها
كنضيف سكر كلاصي يستحسن يكون ماركه ماشي نتاع لعبار حتى هو مع باقي مكونات
وكنخلط الكل جيدااااااااا ونحاول نفك كويرات اللى غادي تتكون لينا
كنترك الخليط جانبا ونمشي نحضر طحين
كنخد الكميه مدكور ونعملها في كوكوط على نار متوسطه او مهيله باش يتحمر على خاطرو
كنبقو نحركو بستمرار ونعمل نفس العمليه اللى ضاهره في صوره
ملاحضه
ما لازمش يتحمر بلاقياس لانو كيجي سلو اللون ديالوغامق ومداق كيصبح مر مع المده لهدا غير يدهب اللون فقط
كنترك يبرد وكنغربلو مزيااان
ونحك هاد كويرات
وكنضيف للخليط الاول
كنمزج الكل جيدا مره اخرى
وكندوب الزبده ونزل منها ماء اللى تيبقا في قعر كسروله ومن بعد تنضيف لعسل ونرد الكل فوق نار باش يدوب لعسل مزيان
وخليط زبده ولعسل ما زال سخون تنصب مباشره على خليط
ونرد البال لان درجه حراره تتكون مرتفعه
وندلك الخليط فحال اللى تندلك العجين باش يشرب سوائل مزياان
ها هو واجد
كنترك يبرد مزيااان ونعمله في علبه من بلاستيك
وممكن نحتفض بيه في مجمد كصبر اكتر من سنه
