طريقه عمل الخبز الصاج
مقاديري :
1 كوب ماء
1 ملعقه شاي خميره فوريه
2/1 1 ملعقه طعام سكر تعادل اقل من 8/1 كوب
2/1 ملعقه شاي ملح
2/1 2 كوب طحين ابيض
الطريقه :
نذوب الخميره والسكر في كوب الماء …
نخلط الملح مع الطحين في اناء العجن …. ثم نضيف خليط الخميره …. ونعجن …
في البدايه يمكن تتلصق العجينه بيدك لكن استمري بالعجن وبتلاقين العجينه فكت ….ونستمر ونعجن … ونضرب العجينه بقوه كل شوي ….نظل نعجن لمده 5 دقائق ….
المفروض النتيجه تكون عجينه ناعمه وما تتلصق ومطاطيه …. وتكون اثقل من عجينه الفطاير العاديه ….لانها لو كانت لينه بيصعب فردها وخبزها بعدين ….. طبعا لو عجنتي وصارت العجينه لينه اضيفي شوي طحين او كانت بالعكس بللي يدك بماء واعجني الى ان تتوصلي للقوام المطلوب
نغطيها ونخليها ترتاح ربع ساعه فقط…..
وهذا شكلها بعد ما ارتاحت … ما تغير حجمها كثير
نقسم العجينه الى 12 كره متساويه على صينيه مرشوشه بالطحين وغطيها بقماش رطب …. ولو حبيتي تسوي ميني خبز خلي الكرات اصغر ….. بتلاحظين وانت تقسمي العجينه انها صارت اخف نتركها نصف ساعه فقط ولا تكثرين بتخميرها …. حتى تنفرد بشكل جميل وسهل .ولو ضربتي عليها بتعطيك صوت طبل
شغلي الفرن من فوق بس على اعلى درجه فيه وحطي صينيه الفرن او صاج الخبز في اعلى رف او الرف اللي انزل منه حسب فرنك يعني لو كانت شوايه الفرن مقاربه كثير خفضي الصينيه حتى تتركي مجال للخبز بالانتفاخ بدون ملامسه شوايه الفرن وبذلك ما يحترق ….
جهزي ورق المطبخ 13 قطعه …. وافردي كل كره على طاوله مرشوشه بالطحين …. افردي العجين حسب رغبتك اذا حبيتيه ثخين او رقيق في بعض الصور سويته ثخين وبعضها رقيق …. المهم ما يكون رقيق كثير حتى ما ينشف بعد الخبز ويصير قاسي
ضعي كل قطعه مفروده على ورقه مطبخ وصفي كل ثلاث فوق بعض …وخليهم على جنب واعرفي ترتيب كل مجموعه ….
خذي ورقه المطبخ الزائده رقم 13 وغطي فيها اول مجموعه فردتيها …. واقلبي الجميع حتى ناخذ اول قطعه مفروده …..لانها بتكون تخمرت قبل واحنا ما نبي نخمرها اكثر بعدين تلصق بالورق ….
اخرجي صينيه الفرن الحاره و امسكي اول ورقه مع الخبز المفرود واقلبيه على
الصينيه …. ممكن تقلبيه على يدك برفق وتحطيه على الصينيه بحذر حتى لا يخرب الشكل …. حسب الطريقه اللي تعجبك …. نسيت ما صورته وهو بالفرن لان حراره الفرن دوختني …..
طبعا اذا كانت الصينيه واسعه بتقدرين تحطين اكثر من اربع اقراص في كل مره …. وكل ما تخلصي مجموعه غطي اول قرص واقلبيها وابداي بالخبز وهكذا ….. طبعا انتظري ثواني عند الفرن وتمتعي بشكل الخبز وهو ينتفخ ولا تبعدين لان الخبز بيتحمر سريع ….
وهذا شكل الخبز بعد الخبز …. مع عده صور له ….
- العيش الشامى
