كيفية عمل الخيار المخلل المصري
جبت 2 كيلو خيار قطعتهم شرائح متوسطة بالطول يمكن تقطعيهم دوائر او لو الخيار صغير تخللية زي ما هو
وجبت حزمة كرفس قطعتها مع الخيار و ثم نضعة فبرطمان
ونغلي حوالي لتر و نص ماء و حطيت فالمية حوالي 3او4 فصوص ثوم بعد ما قشرتهم و دقيت عليهم بظهر السكينه
وحطيت كمان قرنين فلفل حامي و 1/2 كيس ملح اللي هو بنصف جنية و بعد ما تغلي المية بالثوم و الملح و الفلفل
سيبت المية تبرد و حطيت معاها حوالي 1/3 كاس خل
و ثم حطيتهم علي الخيار فالبرطمان ……….خلي بالك لازم المية تغطي الخيار
انا حطيت ملعقتين زيت علي الوش علشان ما يعملش الريم الابيض علي الوش
لكن ما لهومش لازمة لان المية لما بتغليها ما بتعملش الريم ………انا عن نفسي رجعت شلتهم لانهم زيتو الخيار اللي علي الوش
و ثم تقفلي البرطمان و تسبية فالمطبخ يومين او ثلاثة لحد ما يستوي الخيار
و ثم تشيلية فالثلاجة علشان ما يتهريش ..
