طريقة عمل الروانى بكل سهولة

طريقه عمل كيك الروانى

اهلا وسهلا بكم فى مجله جمال حواء بنقدم لكم اليوم طريقه عمل كيك الروانى من مطبخ حواء الرائع , من قبل تم تقديم طريقه عمل الكيك الصيامى , طريقه عمل الكيك الزبادى بالشربات , اليوم ومع مطبخ حواء هنقدم لكم طريقه عمل كيك الروانى خطوه بخطوه

طريقه عمل كيك الروانى

4 بيضات

3\4 كوب دقيق ابيض

3\4 كوب دقيق سميد او سمولينا او دقيق البسبوسه

1\2 كوب سكر

معلقه صغيره فانيليا

معلقه صغيره بيكنج بودر

معلقه صغيره بشر برتقال

مقادير الشربات:كوب عصير برتقال وكوب سكر ومعلقه صغيره عصير ليمون

فى وعاء اخفقى البيض مع الفانيليا وبشر البرتقال لمده دقيقتين ثم ضيفى السكر مع الخفق حتى يتضاعف حجمه مهمه الخطوه ديه ولونه يبيض

ثم اخلطى الدقيق مع السميد مع البيكنج بودر وضيفى معلقه معلقه وقلبى بمعلقه خشب من تحت لفوق وبطريقه دائرايه لغايه ماتختفى فى البيض وهكذا لحد ماتخلصى مقدار الدقيق بالراحه ثم يوضع فى صينيه مدهونه سمنه ومتبطنه بدقيق السميد ثم نصب فيها الخليط تدخل فرن 180 لمده 25 دقيقه :30

ثم نعمل الشربات:يوضع السكر مع العصير على النار ولما يغلى نضيف الليمون ويغلى غلوه واحده ونطفى

بعد ماتستوى الروانى تسقى بالشربات الساخن ثم تدهن باى نوع مربى وترش بجوز الهند

ملاحظه :

الروانى بيتعمل من غير بيكنج بودر بس ممكن تضيفيه زياده تاكيد ولازم البيض يتضرب كويس مش اقل من 10 دقايق

الشربات بيتعمل عادى بالميه والسكر بس للتغيير عملته بالبرتقال