طريقه عمل الكسكسى المفتول
نحط السميد فى حاجه واسعه
ونرش عليه ميه باصابع ايدينا (هنا عايزين السميد يندى يعنى يبقى رطب)
ونفتل السميد براحه بطريقه دايريه
وبعدها نرش دقيق ونفتل بنفس الطريقه
ونكرر العمليه نرش ميه ونفتل وبعدها نرش دقيق ونفتل
وهكذا لحد ما يخلص الدقيق
وفى اخر مرحله نفتل شويه زياده
وكده بيكون شكله
وبكده نكون خالصنا الفتل باقل من نص ساعه
بعدها هنحتاج لغربال عشان لو كان فى حبات كبيره زياده
ونغربله بالغربال
ده بعد ما غربلته
شوفه محبب ازاى كانه حبات رمل
وهيطلع منه حبات كبيره هناخدها ونحطها بالكبه
برمتين هيبقى زاى اللى غربالته
وبكده خالصنا خالص وكل زاى بعضه مفيش حبه اكبر من التانيه تقريبا
الطبخ: هنحناج حله الكسكسى
نجيب الجزء اللى فوق
هنحط قطعه قماش نظيفه وخفيفه (دى انا عملاها مخصوص عشان الكسكسى )
وحطيت فيها الكسكسى اللى فتلته
وغطيته باطرف القماشه وبعدين بالغطاءالحله
وحطيته على الحله بتعته وحطيت ميه فى الحله من تحت (ممكن تسلقى الفراخ او اللحمه فى الميه )
وحطيته على النار
ونسيبه لمده ساعه الا ربع (45 دقيقه )
بعد ساعه الا ربع بشيله من الحله وبقلبه على الغربال
وبالكبشه بفركه عشان يفك من بعضه
وبحط عليه مغرفتين شروبه كبار او ميه تكون سخنه وبقالب بالكبشه
برجعو تانى على النار بنفس الطريقه الاولى
وبغطيه باطراف القماشه بس مش بحط غطاء الحله المره دى واسيبو على النار لمده ربع ساعه ( 15 دقيقه ) بس
بعد ربع ساعه وبحط عليه معلقتين سمنه فلاحى واااااااو على الرايحه تدووووووووووووخ
