المقادير
½ 2 كوب دقيق // ¼1 كوب سمنه // ½ كوب حليب
1 ملعقه كبيره ريحه كحك
1 ملعقه كبيره سكر
نص باكو بيكنج بودر
النهارده جايبالكم طريقه عمل كحك العيد بوصفه الشيف حسن في برنامج من كل بلد اكله وان شاء الله تعجبكم وساضع البسكويت والبتي فور والغريبه من وصف الشيف حسن
كحك العيد من الشيف حسن برنامج من كل بلد اكله ( بالكوب)
الحشو
مارون – عين جمل – راسبرى – عجميه
الطريقه
نضع الحليب فى كوب ونذوب فيه ريحه الكحك ومعلقه السكر ونقلبهم كويس
نضع فى الخلاط الدقيق وعليه البيكنج بودر والسمنه والحليب اللى كان فى الكوب
ونشغل الخلاط لحد ما العجينه تبتدى تتلم ومتلزقش فى ايدنا
نبدء نشكل العجينه
نقسمها على 3 اجزاء فى 3 اطياق الجزء الاول نضع عليه معلقه كبيره مارون
ونخلطها كويس قوى والجزء التانى نضع عليه معلقه كبيره راسبرى ونعجنها
كويس قوى والجزء التالت نضع عليه الفستق ونعجنه كويس قوى
والباقى حسب الرغبه اما تحشيه قطعه صغيره من العجميه او مكسرات
او ملبن او عجوه
وتقفلى الكحكايه وتضعيها فى الصينيه واما تنقشيها بالمنقاش المخصوص
بالكحك او تدوسى عليها بالطباعه المخصوصه بنقشه الكحك (وهى صغيره ومصنوعه
من الستانلس تيل ) نترك الكحك فى الصوانى يريح شويه حوالى 1/3 ساعه
وندخله الفرن على درجه حراره 190 درجه من 20 الى 25 دقيقه
وعيد سعيد
العجميه
¼ 1 كوب سمنه
1 كوب عسل نحل (عسل ابيض)
2 كوب سمسم
كوب بندق مكسر
الطريقه
اضع السمنه والعسل فى حله على النار لحد ما يغلوا ويتحمروا بلون الكراميل ثم
اضع 2 كوب السمسم وكوب البندق واقلبهم مع بعض كويس وبعد ما تبرد
نالخد قطعه قطعه مدوره صغيره ونحشى بيها الكحكه
