طريقه عمل بسكوت الشوفان للاطفال
المقادير:وهكتبها كلها بالمج مش الكوب علشان نوحد المقاس.
2 بيضا+ ا فانليا.
1ونص مج دقيق ابيض عادي
3 مج شوفان سريع الطهي (موجود في مترو وكارفور وكل الماركت
الكبيره ومفيد جدا للجسم العلبه
بيكون موجود فيها اكتر من الكميه دي شويه
وب13 جنيه وموجوده في الصوره تحت)
1 مج سكر بودره +امعلقه عسل اسود
(العسل حسب الرغبه مش اجباري خالص هي بس بتخليه زي السكر البني)
نص مج سكر عادي.
1 وربع مج زبده صفرا في درجه حراره الغرفه(يعني حوالي ربع كيلو زبده)
1 معلقه صغيره ملح (ماتستغربيش من الكميه)
1 معلقه صغيره بكربونات (من عند اي عطار هتلاقيها وليها اسم
تاني= صوده خبز بس هي نفس الحاجه ورخيصه جدا)
من 2-4 معالق صغيره قرفه..(انا بحب احط 4 معالق..بس برحتك انتي)
1 مج مكسرات مفرومه خشن (اختياري بس انصحك بيه..)
1 مج زبيب. الطبخ: هتسخني الفرن بس علي درجه حراره هاديه (حوالي150 لو فرنك اصلا حامي و170 لو فرنك عادي مش بيسخن زياده)
وفي بوله كبيره هتحطي الزبده وتضيفي السكر البودره والسكر العادي ولو فيه معلقه عسل اسود
وهنظرب بالمضرب الكهربائي 5 دقايق لغايه ماتبقه الزبده والسكر زي الكريمه الخشنه زي الصوره
وبعد كده هنضيف ال2 بيضه و1 فانليا ونضرب تاني
وبعد كده هنشوف الخطوه الجايه
وهنا هنضيف القرفه والبيكربونات والملح والدقيق الابيض
وهنضرب ودي هتكون اخر خطوه للمضرب لان الخليط هيبقه تقيل..بعد كده هنقلب بمعلقه كبيره.
ودلوقتي هنضيف الشوفان وهنقلب بمعلقه كبيره كويس..وعلبه
الشوفان باينه هنا وبعد كده هنضيف الزبيب والمكسرات ونقلب والخليط هيبقه تقيل مش سايب ابدا لانه
مافيهوش سوائل كتير خالص في المقادير.
وهنا والشوفان بيتضاف.وبعد كده هنبتدي نكور العجينه بالايد
لكرات بالحجم اللي باين ده
وبعد ماعملنا كل العجينه كرات بالحجم ده ونخليهم قد بعض..هتجيبي الصاج التقيل بتاع الفرن (اللي
اصلا بييجي مع الفرن)وهتفردي عليه فويل او ورق الامونيوم وتحطي الوجه الامع تحت ونحطه علي
الصاج وندهن الفويل زبده ونبتدي ناخد الكرات وحده وحده ونبططها بين الكفيين وهتبقي زي قرص
الطعميه كده ونرصها زي الصوره علي الفويل وطبعا نسيب بينهم مساحه شويه..خالي بالك هو
مش هتكبر كتير فعلشان كده اعمليها من الاول حجم حلو مش صغير.
ودلوقتي هندخل الكوكيز للفرن ومهم قوي انها تكون في التلت اللي فوق مش تحت..زي ماقلت
***لو فرنك حامي هتاخد 12 دقيقه علي درجه حراره 150 والتوقيت مهم جدااا
**** لو فرنك عادي ومش حامي زياده هتاخد 15 دقيقه بالضبط علي 170
خالي بالك واقعدي جانب الفرن ومعاكي اسبتيلا او مقصوصه..لما تلم من تحت وتقدري تحركيها من غير
ماتتفتفت تبقه تمام زي الصوره بس يمكن هتكون افتح لان الصوره غامقه.وماتقلقيش ممكن تفتحي الفرن
في اي وقت يعني الكوكيز مش زي الكيكه هيهبط.
وغالبا هتاخد الوقت اللي قولتلك عليه. وهي هتبقه طريه شويه من فوق ومش غامقه
مهم جدا انك ماتحركيهاش بايدك خالص..استعملي مقصوصه لان الكوكيز هيبقه طري شويه.
وماتخافيش لانها بعد ماتطلعيها من الفرن هتكمل سوي وهتنشف اكتر كتير مع الوقت.انا بحبها جدا تكون
مش ناشفه قوي وعلشان كده بعد ماتخرجيها هتسيبيها تتهوي دقيقتيين فقط مش اكتر وتكوني محضره
علب وليها غطا (مهم جدا) وترصيها وهي سخنه وتقفلي عليها هتلاقي جوه فيه شويه بخار بعد ماتقفلي
العلبه.وماتخفيش باكد تاني ان تاني يوم هتلاقيها اغمق في اللون وهتنشف كتير .
وادي كل الكميه ومهم تاني ان العلبه تبقه متغطيه وكل ماتخدي وحده اقفلي الغطا كويس
لو سيبتيها مفتوحه هتنشف تاني يوم قوي..انا بحبها مش ناشفه زي بسكويت النشادر.
