طريقه عمل شال كروشيه
اول حاجه هتعملى سلاسل بعرض الشال اللى عاوزاه انا حسبتها وعملت تقريبا 260سلسله مش فاكره بالظبط
هتسيبى
6سلاسل وتدخلى فى الغرزه السابعه حشو وبعدين تعملى 7سلاسل وتسيبى 6سلاسل من
السطر اللى تحت وتدخلى فى الغرزه السابعه تعملى عامودين بلفه بينهم 5سلسله
وبعدين تعملى 7سلاسل وتسيبى 6سلاسل من السطر اللى تحت وتعملى فى الغرزه
السابعه غرزه حشو وبعدين غرزه بيكو((واللى ماتعرفش البيكو بتعملى 3سلاسل
وتدخلى منزلقه فى السلسله التالته ))
وتسيبى سلسله وتدخلى فى التالته غرزه حشو وبعد كده تعملى 7سلاسل وتسيبى
6سلاسل من السطر اللى تحت وتعملى عامودين بلفه بينهم 5سلسله وهكذا طول
السطر ((7سلاسل وتسيبى 6من السطر السابق والسابعه تعملى فيها 2عامود بلفه
بينهم 5سلاسل وتعملى 7سلسله وتسيبى 6من السطر السابق وتعملى فى الغرزه
السابعه حشو وبيكو وتسيبى سلسله وتدخلى فى التالته حشو ))
ولما توصلى لنهايه السطرهتعملى حشوفى الغرزه اللى قبل الاخيره وسلسله ونص
عامود فى السلسله الاخيره وده شكل السطر لما انتهى
تعملى 5سلسله وتلفى الشغل
وتشتغلى 2عامود بلفه فى النص عامود اللى عملتيه فى نهايه السطر وتعملى
3سلسله وفى وسط العامودين اللى بينهم 5سلاسل تعملى 6عامود بلفه بينهم
3سلاسل
وبعدين تعملى 3سلاسل وداخل غرزه البيكو تعملى 4عامود بلفه بينهم 3سلاسل
وهكذا لنهايه السطر ((6عامود بلفه بينهم 3سلاسل داخل العامودين اللى بينهم
5سلاسل وبعدها داخل غرزه البيكو تعملى 4عامود بلفه بينهم 3سلاسل))
ولما توصلى لنهايه السطر انتى سبتى 6سلاسل هتدخلى فى الغرزه السادسه اللى
بعد البيكو على طول تعملى عامودين بلفه ثم سلسله ثم عامود بلفتين هتعملى
3سلسله وتلفى الشغل
وتعملى
غرزه حشو فى السلسه اللى بين العامودين والعامود بلفتين اللى عملتيهم فى
نهايه السطر وتعملى 5سلسله وتعملى 7عامود بلفه داخل الست عماويد اللى بينهم
3سلاسل وبعدين تعملى 5سلاسل
وتعملى حشو فى اول سلسله من ال3سلاسل اللى بين الاربع عماويد وبعدين تعملى غرزه بيكو وتدخلى حشو فى السلسله التالته
وهكذا
طول السطر ((5سلسله و7عامود بلفه داخل الست عماويد اللى بينهم 3سلاسل وفى
التلات سلاسل اللى بين الاربع عماويد من السطر السابق تعملى فى الاولى حشو
وبيكو وتدخلى فى التالته حشو))
ولما توصلى لنهايه السطر تعملى 5سلاسل ثم حشو وسلسله ونص عامود فى السلسله الخامسه بنهايه السطر السابق ثم تعملى 5سلسله وتلفى الشغل
تعملى
عامودين بلفه فى النص عامود اللى بنهايه السطر اللى لسه قفلاه ثم 2سلسله
وتعملى 7اعمده بلفه فوق ال7اعمده من السطر السابق بس بين كل عامود سلسله
ثم تعملى 2سلسله وداخل غرزه البيكو تعملى 4عامود بلفه بينهم 3سلاسل
وهكذا
لنهايه السطر (( 7عامود بلفه فوق السبع اعمده من السطر السابق بين كل عامود
سلسله ثم 2سلسله ثم داخل البيكو تعملى 4عامود بلفه بينهم 3سلاسل))
ولما توصلى لنهايه السطر هتعملى فى الغرزه التالته بنهايه السطر السابق 2عامود بلفه وسلسله وعامود بلفتين وتشتغلى 3سلسله وتلفى الشغل
هتعملى
غرزه حشو فى غرزه السلسله اللى بين العامودين والعامود بلفتين اللى بنهايه
السطر السابق ثم 2سلسله وتعملى غرزه الفيشاره فى السلسله اللى بين اول
عامودين
((غرزه الفيشاره بتعملى 5عامود بلفه فى نفس الغرزه وتطلعى الابره وتدخلى فى اول عامود عملتيه وفى اخر عامود وتسحبى الخيط ))
- شالات،كروشيه،مستطيلة،بالباترون
- طريقة عمل شال كروشيه
- عمل شال كروشيه
- عمل غرزة كرشيه
- غرز شال بالطول
- غرز كروشية
