طريقه للفراخ جديده
1.هاتي قطع فراخ زي ماتحبي
ملح وفلفل وكمون
بودره بصل و بودره توم
صويا صوص و شويه خل
بسله وجزر وبطاطس
ربع كوبايه ميه
معلقه سمنه
طريقه عمل ورقه فراخ بالخضار
هتبلي الفراخ الاول على الاقل لمده ساعه وممكن تعملي فيها فتحات بالطول بالسكينه
هتجيبي طاسه فيها معلقه سمنه وتشوحي فيها الفراخ لمده دقيقه علشان تاخد لون مش اكتر
هتشيلي الفراخ من الطاسه وتحطي فيها مكانها الخضار وتشوحيه شويه
هتجيبي صينيه وتفرشي فيها ورقه فويل كبيره وترصي فيها الخضار وفوقه الفراخ ومعاهم بواقي التتبيله بتاعه الفراخ وربع كوبايه الميه وشويه ملح حسب كميه الخضار وتقفلي عليهم ورقه الفويل كويس كانك بتلفي هديه
هتدخلي الصينيه الفرن علي نار هاديه لمده 40 دقيقه و لما الفراخ تستوي افتحي ورقه الفويل وعلي نار الشوايه علشان الفراخ تاخد لون
ممكن قبل ما تعلي نار الشوايه تشيلي بالمعلقه شويه شوربه من اللي نزلت من الفراخ على الخضار وتصبيهم فوق الفراخ علشان اللون يبقي احلى واجمد
وبالهنا والشفا :)
- طريقة احلي شوربة للفراخ
