طريقه مشدات البطن
عزيزاتي الفتوكات الجميلات .. ازيكم
تضاربت الاراء حول مشد البطن اللي بستعملو الست بعد الولاده .. فهناك من اشاد به وشكره وهناك من دمه وحذر منه..
والحقيقه ياحبايبي ان مشد البطن ممتازفي شد الظهر والبطن وعودتهما لوضعهما السابق قبل الحمل.. بس طريقه استعمالو الخاطئه هي اللي بتخليه يجيب نتيجه عكسيه ..
ازاي؟؟؟
في وحده صديقه ليا بعد ماولدت عملت حزام او (مشد) البطن وهي مبسوطه عاوزه بطنها ترجع تدخل ثاني ونلزق في ظهرها لان صديقه لها استعملت المشد او (الحزام في نفاسها) وماشاء الله عليها ولا كانها والده .. بطنها لازق بظهرها..
المهم صديقتي عملت الحزام على بطنها وكل يوم تضغطو على البطن اكثر من اليوم اللي قبلو وهي فرحانه ومبسوطه ومستنيه تخلص النفاس عشان ماتلاقيش بطن قدامها..
المهم بعد 20 يوم من الولاده ابتدت تحس في حاجه ثقيله حتوقع منها من تحت واستمر الاحساس ده معاها فراحت للدكتوره تكشف واتصدمت لما لقت عندها سقوط في الرحم(( بس الحمد لله كان سقوط من الدرجه الاولى راح بعد ماكملت الاربعين)).. المهم روحت مصدومه من الدكتوره واتصلت بصديقتها تقوللها على اللي جرالها وهي مستغربه ..
تعرفوا ليه حصل معاها سقوط بالرحم ؟ لانها كانت بتحط الحزام على بطنها وبتشدو جامد وهنا الغلط لان الرحم كان عاوز يرجع مكانو وهي كانت ضاغطه على بطنها مش مديه فرصه للرحم انو يرجع لحد ماياس الرحم وسقط ..
بينما صديقتها كانت بتحط الحزام في المكان المناسب بطريقه صحيحه .. كانت بتحطو اسفل البطن من تحت خالص عشان يساعد الرحم يرجع مكانو..
ياريت كانت عندي دميه وانا اعملكو الطريقتين واصورهولكو وانزلهولكو بس للاسف واتمنى تكونوا فهمتو الطريقه الصح والطريقه الغلط لحزام البطن..
مع تمنياتي لكم بالاستفاده ودودام الصحه والعافيه
