كيفية عمل الجلاش باللحمه
- الكيفية : اولا كيفية عمل العصاج (اللي هو اللحمة المفرومة )
نجيب حلة صغار و ثم نحط بها 3 معالق كبار سمنة من اللي سايحناها بعد كدة نقطع البصلة قطع صغار و نحطها علي السمنة و نقلب لحد ما البصلة تتدبل او يعني تبقي صفرة شوية اوعي لا تتحرق اصل انا عارفاكي هههههة المهم بعد كدة تحطي اللحمة المفرومة و تقلبي و ثم تحطي توابلك بقي يا رائعة يعني ملعقة صغار ملح و زيها فلفل و زيها بهارات و قلبي كويس حطي كاس الماء و و طي النار و سيبيها شوية لما تشرب جميع المية لو لقيتيها لسة نية زودي مية بس ان شاء الله مش هتحتاجي مية تاني بعد ما تستوي شيليها من علي النار و اركنيها علي جنب
نيجي بقي للمهم الجلاش
جيبي و رق الجلاش و افردية علي الرخامة بعد كدة هاتي الصينية المتوسطة اللي هتعملية بها و اقلبيها علي الورق و ظبطيها عشان متبقاش طالعة من حتة و حتة لا حددي بالسكينة الورق علي شكل الدائرة بتاعة الصينية و شيلي الصينية قطعي بقي الزيادات و هتلاقيها زي الصورة دي و ثم يا ست الكل نجيب الصينية و ندهنها سمنة بالفرشاة لو مفيش فرشة يبقي بايديكي الحلوين دول بلاش دلع ايوة اديكي و ادهني الصينية كويس يعني ملعقتين سمنة سايحة كفاية اوي و تبتدي تخدي و رقتين جلاش و تحطيهم فالصينية و تدهني و شهم شوية سمنة صغنونة و ثم و رقتين كما و تدهني و ورقتين و تدهني لحد ما تيجي لنص الورق بعد كدة تجيبي اللحمة المتعصجة و تفرديها علي الورق كويس زي كدة و ثم ياتوتة نجيب و رقتين جلاش و نغطي بيهم اللحمة و ندهن سمنة و نحط و رقتين و ندهن و كذا لحد باقي الورق ما يخلص و ثم تقطعي الجلاش بالسكينة فالصينية سمبوكسات مربعات مثلثات زي ما تحبي و تجيبي كاس اللبن و تحطي فية بيضة و ذرة ملح و رشة فلفل اسود و تقلبيهم كويس اوي و تروحي ساقية بيهم صينية الجلاش و تحركيها كويس عشان تتشرب كدة اهوووو - الطبخ: ندخلة الفرن بقي اكيد بالتاكيد امال هنسوية فالتلاجة ههههههة المهم درجة الحرارة متوسطة لاهي عالية و لا هي و اطية عشان يستوي علي مهلة مدة 15 دقائق و بصي علية لقيتي و شة لسة ابيض سيبية شوية تاني المهم تابعية لحد ما لونة يبقي كده
