طفلة مثل القمر شعر

طفله مثل القمر شعر

 

لو كل يوم بصوتك تفك ريقي
يسدني عن كل مطعوم الارزاق

ولو كل صبح بنور وجهك افيقي
والله لاقضي العمر والصدر ماضاق

انت الوحيد اللي ينور طريقي
مثل القمر نوره على كل الافاق

ايوالله احبك وحبي حقيقي
صادق وفي من دون تزييف ونفاق

ياعين حر فوق قمه طويقي
اشهد شهاده حق ترخص لك اعناق

الحر ما يشبك بطبعه طليقي
الا ليا بعتيه للقرب ماطاق

يابو جبين فيه لمعه بريقي
كنه سرى من بين الامزان براق

شبيت في بعدك بقلبي حريقي
ماذقت عقبك غير علقم وغساق

ايه الغلا لك لاتزيدين ضيقي
انتي الغلا واللي له القلب يشتاق

جيتك وجرحي في فوادي عميقي
داوي جروح القلب في ليله عناق

ابيك ليله في ضميري تويقي
وتشوف بعيونك وش اللي بالاعماق

واصير في صافي حنانك غريقي
في ليله تجمع من الشوق عشاق

وابل ريقك وانته تبل ريقي
وتسدني عن كل مطعوم الارزاق