علاج الشعر الجاف المجعد الهايش
استكمالا لسلسه المشاكل اللي تخص البشره والشعر
موضوعي النهارده خفيف وبسيط عن الشعر الخشن والمجعد والهايش والجاف
طبعا بنات كتير بتسالني اعمل نوع ايه فرد خصوصا قبل فرحها
رايي في الموضوع دا معروف
الفرد بانواعه مضر.. عارفه انه ضروري خصوصا مع الشعر المجعد
سواء الحنه السودا او فرد الجلات او فرد الكيراتين او اي نوع فرد
حتى فرد الكيراتين تعتبر نسبه الفورمالين فيه اقل من اي فرد تاني لكن برضه فيه مضره على الشعر اي نعم هو اقلهم ضررا
وفيه انواع بيقال ان مافيهاش فورمالين خالص وانها بس بتعالج .. رايي ماعتقدش ان فيه انواع كدا لان لو فيه كدا فهي مش بتفرد ومفعولها هايروح بعد شهر
المهم
اي عروسه مثلا بتسالني هاعمل فرد اقولها بلاااش ولو لقيتها مصممه بقولها اتحملي انتي المسئوليه يعني انا نصحتك بلاش
لان الفرد يا بيصيب يا بيخيب
ولو خاب وضر الشعر مالوش علاج بتضطر تستنى لما الشعر ينمو تاني
لان الشعره اللي بتتحرق مالهاش علاج
وطبعا السشوار ممنوع تماما مشاكله كتير جدا
والمكواه العاديه اللي زي عند الكوافيره نفس الشئ
مع كتر الاستخدام بتحرق الشعر وبتضره
طبعا كلامي دا للاستخدام المتواصل
يعني لو استخدمتي سشوار مره عادي مافيش مشكله للضروريات مثلا
طيب اللي هاتتجوز او متجوزه تعمل ايه؟
انا شايفه ان مكواه السيراميك تعتبر اخف حاجه مضره على الشعر خصوصا انها بتتعمل على الشعر وهو جاف تماما مش مبلول
مش بقول انها مش مضره .. لكنها اقلهم ضرر وطبعا استخدامها مايكونش يومي مع عمل حمام كريم مرتين بالاسبوع
..:.:.:.:..
المهم موضوعنا هو طريقه ترطبي بيها شعرك الجاف والخشن والمنفوش وتنعمه وتعطيه لمعه بطريقه طبيعيه ومش مضره
مش هاقول الطريقه دي بتفرد الشعر , لكن فعلا هاتلاقي فرق في نعومه الشعر وملمسه
لازم الطريقه دي تستخدم على الشعر وهو مبلول يعني بعد غسل الشعر وهو رطب ومبلول بسيط يعني بعد تنشيفه بفوطه فقط
