علاج سريع لارتجاع المريء
هل بعد ما تتعشى وتنام بتلاقى عصاره طعمها مر تطلع فى زورك او احيانا الى فمك وربما انفك؟ وتشعر باختناق يصحيك من النوم؟ هل بعد تناول الطعام تشعر بحموضه وتتجشا (تتكرع) كثيرا – هل يتكرر شعورك بانتفاخ وخروج غازات محرجه ؟
هذه كلها اعراض مرض ارتجاع المرئ او ارتجاع المعده وحموضه المعده – وعندى لكم علاج سحرى وفورى – بدون اى ادويه ولا اى حاجه : فقط توقف تماما عن تناول النشويات – العيش والرز والمكرونه والسكريات – جرب 48 ساعه فقط – يعنى يومين اثنين – ستفاجا بان كل الاعراض السابقه قد اختفت تماما فيما يشبه السحر! ..والتجربه خير دليل
حاقول لك على حاجه – تعالى نعمل التجربه دى وتحدى: اتعشى قبل النوم مباشره اكتر اكل دسم عندك – فراخ محمره بالسمن البلدى – طبيخ مسبك – لحمه ضانى – زى ما تحب – بشرط لا تاكل عيش ولا رز ولا مكرونه ولا حلويات ولا اى حاجه فيها سكر – ونام – وشوف بنفسك
التجربه دى جربتها بنفسى كتير – وجربها اصدقائى – النتيجه نوم ملائكى حتى الصباح – والاستنتاج ان اللى بيتعب المعده ليس الدهون ولا البروتيانات – اللى بيتعب المعده والجسم كله هى النشويات والسكريات – ولو التهمنا خروف كامل ونمنا حننام زى الملايكه – اما لو كلنا معاه معلقه رز واحده او لقمه عيش واحده فقط حتبقى ليله سوووووده !
لكن للاسف كل ما اقول الطريقه دى لحد يقول لى صعب استغنى عن العيش والرز والمكرونه – امال اكل ايه؟ واشبع ازاى؟
ياعم بس جرب – حتخسر ايه؟ دول يومين اتنين – وصدقنى حتدعيلى – ولو استمريت على النظام حتدعيلى بقيه عمرك
طول عمرك بتاكل عيش ورز ومكرونه – عملوا لك ايه؟
بيقولوا لى: طب امال حنشبع ازاى؟ الحل بسيط: كلوا دهون وبروتينات زى ما انتو عاوزين – كل الدكاتره التقليديين ينصحون بالابتعاد عن الاكل الدسم – كلام سليم؟ لا ..خطا خطا خطا – انا بقى باقول لك كل دسم براحتك خالص – انشالله تشرب سمن بلدى شرب – ولا يهمك خالص – ده مش كلامى – دى احدث الدراسات اللى خرجت من السويد وتوصلت الى ان افضل نظام غذائى اسمه LCHF عباره عن دهون وبروتيات باى كميات – مع منع تام لكل انواع النشويات والسكريات – وهو احدث نظام غذائى فى العالم وبدا ينتشر فى كل اوروبا ووصل امريكا ويحقق نجاحات مذهله – وهو ليس فقط علاج لارتجاع المعده – لكن ايضا علاج لكل انواع الالتهابات فى الجسم – بما فيها مرض السكر والروماتيزم وامراض الدم والقلب وتصلب الشرايين والجلطات
