علاج للصراصير جديد
طبعا كلنا عارفين ايه مدى القرف والمرض من هذا الكائن اللعين
مقولكوش المطبخ عندنا كان مليان ازاى وجربنا معاه كل الوسايل والحيل من رش وبودره وعجينه لما مرضت انا وماما
لحد مامره بحثت على النت وهتضحكو عليا لو قلتلكم انى قريت كل حاجه عن حياه هذا الكائن اللعين
المهم قريت فى موضوع عن الماده اللى بتستخدم فى علاج الجرب للحيوانات وحيث انى طبيبه بيطريه فانا اعرف المواد دى كويس اوى
الماده دى ياجماعه اسمها (……….ديازينون60%…….)احفظوها كويس واكتبوها تستاهل والله بس فى حاجه الماده دى سامه جدا
هو المفروض انك بتاخديها وتخففيها بميه وتغسلى بيها كل مكان فى المطبخ وتخلى التلاجه كمان وتغسليها بيها
وممكن كمان تستخدميها فى بخاخه مخففه طبعا بالميه
والله ياجماعه عملتها انا وماما مره باليل ولحد دلوقتى مشفتش ولا صرصار فى بيتنا بعد ماكنو هيخرجونا احنا من البيت
الماده دى هتلقوها فى اى مكتب او عياده بيطريه لانها بتستخدم كتير فى المجال دا كمان لو طلبتوها بالاسم هتلاقوها فى اى محل لبيع المبيدات الحشريه
المشكله ان الماده الاصليه منها غاليه شويه بس والله مش خساره ابدا اشتري نفسك وبيتك
فى ماده كمان امنه بس تاثيرها اخف اسمها_(………دلتا ميثرين…..)
احفظو الاسماء دى من فضلكم واطلبوها بالاسم
