عمل موس الفراولة بالصور

عمل موس الفراوله بالصور

• الكميه تكفي: 8 اشخاص
• وقت التحضير: 60 دقيقه
• وقت الطهي: 35 دقيقه
• المقادير: كيك اسفنجي
  كريم شانتي
  جيلي فراوله
  عصير فراوله
  جيلاتين
  عسل جلوكوز

• التحضير: حلقتنا النهارده حلقه رومانسيه جدا ارجو انها تعجبكم
  تورته النهارده تورته موس الفراوله بصوص الفراوله
  الاول هنجهز الكيك زي ما شفنا في الحلقه الاولي بطريقه من الاتنين الموجودين في اللينك موجود في الملاحظات
  تاني حاجه نجهز موس الفراوله كالتالي
  اللي هنحتاجه كريم شانتيه مضروب حوالي نص كيلو (كل كوب كريم شانتيه عليه كوب لبن ساقع ونضربه)
  كوب عصير فراوله فريش مركز يعني نخلطه من غير ميه او شويه ميه صغيرين خالص يدوب يشغلوا الخلاط
  معلقتين صغيرين او معلقه كبيره جيلاتين بودره مدوبين في شويه ميه سخنه صغيرين
  ودي صوره مقادير الصوص
  بعد ضرب الكريم شانتيه هنضيف عليه عصير الفراوله والجيلاتين ونخلطهم مع بعض بالشكل ده
  وبكده هيكون الموس جاهز
  نبتدي نجهز صوص الفراوله لتغطيه التورته ومقاديره
  كوب عصير فراوله فريش مركز ومصفي جيدا بمصفاه سلك ضيقه
  باكو جيلي مذوب في كوب واحد ماء مغلي
  معلقتين صغيرين جيلاتين بودره مدوبين في حبه ميه سخنه صغيرين
  نحطهم علي بعض ونرفعهم ع النار
  بعد الغليان لمده دقيقتين نضيف معلقه جلوكوز (تعطي لمعه للوش وممكن الاستغناء عنها )
  نحطه علي النار يدوب الجلوكوز يسيح ونشيله ونسيب الصوص يبرد خالص
  نبتدي الشغل في التورته
  نجيب الكيك اللي عملناه في صينيه علي شكل قلب ونقطعه 3 طبقات بالعرض
  نحشي بين الطبقات بالموس زي ما اتفقنا قبل كده بكيس انضف واسهل من الفرد العادي
  هنا بعد حشو ال3 طبقات والوش
  نحاول نساوي الوش والاجناب كويس
  نحط التورته شويه في التلاجه تتماسك اكتر
  في الوقت ده نشوف الصوص بدا يتماسك ولا لا لو لسه ممكن نحطه في التلاجه شويه ونقلبه كل شويه علشان ميجمدش وبلاش الفريزر خالص
  نصب الصوص علي وش التورته بالشكل ده ونلاحظ قوام الصوص
  وهيبتدي يتفرد الصوص ع الوش شويه شويه
  وهنا بدا ينزل ع الاجناب
  وهنا عندك اختيارين اما انك تخليها كلها لونها احمر بس هتضطري تشيلي اللي بينزل ع الاجناب من تحت وتصبيه تاني من علي الحروف علشان نغطي الاجناب
  يا اما تعملي زيي وتستسهلي وتغطي الاجناب بالموس الروز زي كده
  وده شكلها من فوق ونلاحظ اللمعه
  نبتدي نعمل وردات بسيطه من فوق علي الحروف داير ما يدور زي كده وبعدين نعمل من تحت نفس الكلام
  وهنا بعد ما عملنا من فوق وتحت خلاص
  وصوره من زاويه تانيه للتورته
  واخيرا نكتب اي كلمه بسيطه عليها بالشكل ده وهيكون ده هو الشكل النهائي لها