اهي في منها جاهزه بس انا احب اسويها بيدي .. وايد احسن وانظف والحلو اني اقدر اضيف لها اي شي احبه..
والاحلى اني اقدر اسوي منها كميه واحطها في مرطبان علشان استعملها باي وقت…
المقادير…
جبنه بيضاء ويفضل الي تحصلونها مع الماء (انا اخذها من كارفور او جيان او ميدوي) يعني الي تجي كميات كبيره وانتي تقولين له كم كيلو تحتاجين… انا اخذ نص كيلو او كيلو..
زيتون اسود واخضر شرايح (او نوع واحد بس) لكن انا افضل اللونين احلى
ماعليش انا منزله الصور من google
زيت زيتون
زعتر
لبنه
جبنه فيلادلفيا ( موشرط)
فليفله خضراء مقطعه قطع صغييييره جدا
جزر مبشور
خبز لبناني (تقطعينه نفس الي في الصوره)
الطريقه…
تقطعين الجبنه البيضاء قطع صغيره جدا وبعدين
تحطينها في وعاء كبير وتضيفين جميع المقادير عليه وتخلطين جيدا و اذا حسيتيه جاف كثري شوي من زيت الزيتون….
و الجزر اذا ماتحبينه ممكن تستغنين عنه بس اهو يطلع احلى معاه….
و بعدين تاخذين الخبز وتحشينه بخلطتنا و بس بالهناء والشفاء ومطرح مايسري يمري…
لاتنسوني بالتقييم 
وخلي الي يزيد في مرطبان وسكري عليه زين.. واستعمليه اي وقت تبينه واذا حسيتيه جف شوي ضيفي عليه زيت زيتون….
تره الطريقه سهله وحلووووووووه وايد ولذيذه وصحيه في نفس الوقت… ومفيده للاطفال
