قصائد عن بلدى المغرب الحبيب
اجمل ماقيل عن المغرب ( قصائد )
قصائد لمحبي المغرب
ادري فيكم قلوبكم خفوقه كلكم تحبون المغرب
ياخوي ماغابت عن البال كازا
والزرقطوني شارعه حي بورقون
ماعاد لي في الشام يااخوك عازا
ولبنان وكشخاته عساهم يولون
ويحرم علي اختم لمصر الجوازا
ولو ماتبقى غيرها شبر في الكون
اللي ذبحني “جوج” “هكا” “بلازا”
و”مزيان” و “كي داير” و “بالزاف” و “اشكون”
والله لو عندي رصيد واجازا
لا اطير للمغرب ويكون مايكون
==
من قصائد الامير عبدالله الفيصل:
اشتقت للمغرب وانا توني جاي
الله يساعدني على نار شوقي
ياللي تريد ادواي في المغرب ادواي
رح بي لعله ينطلق فيه عوقي
لو صافحت مجهول يمناه يمناي
ينساق تيار الهوى في عروقي
واسمع حديثه ناعم كنه الناي
على يمينه ينثر الدمع موقي
==
(قصيده جميله بالزاف )
يامرحبا حييت ياطير حوران
يامرحبا بك يالرفيق الشقاوي
الدار ياطايل لها اشكال والوان
فيها جمال الغيد ماهوب ياوي
لاجيت للمغرب تضمك بالاحضان
اترك بلاد النيل مامن تساوي
يكفيك عبدالله وزايد وسلطان
كبار الرجال اللي ترد الدعاوي
مصيافهم في وسط كازا وتطوان
دارن وهبها الله سحرن سماوي
ومالوم قلبك يوم غنيت طربان
قلبي غدن به ياالذويبي له ازمان
من اول سنه تسعين قلبي هواوي
مزعوط انا بالزاف بالحيل ولهان
دايم وقلبي في هواها رجاوي
اجمع حصيلي ثم سافرت عجلان
غاوي ومن مثلي على الدرب غاوي
اروح للمغرب وانا البوك مليان
وارجع وبوكي يشهد الله خاوي
ولانيب متحسف ولانيب ندمان
هذي طرات العمر لاصرت هاوي
ويابو سعد لاصرت للدار شفقان
حنا مثل شرواك دايم نخاوي
اصبر لنا بالصيف عوده علشان
نسكن انا وياك جنب العطاوي
==
الله من قلب هواه الغنادير
ياليت لي عمر كثر عمر نوحي
لقضيه في طنجه وكازا واغادير
مثلي اسير الحب صعب يروحي
ياصاحبي طبع المحبه مقادير
وحبك سرى داخل شرايين روحي
نارد لكم ظميا ونرجع مصادير
ياللي سحرتونا بكثر المزوحي
ياشبه وضحا بين كل المغاتير
عفرا عليها وسم غازي يلوحي
سلام يالمغرب تحيه وتقدير
وعز الله اني فيك ماسمع ولا اوحي
دار بها كل العلوم المسافير
والمسك والريحان منها يفوحي
وترى وعدنا ياحبيبي على خير
صيف جديد وفيه اجدد جروحي
==
يقول ابو ساره ،، من الهم ،، عانيت
نفسي تراودني ،، وهمي غلبني
خطمتها عما تريد ،، وتفانيت
وفي لحظه الغفله ،، هواها ،، سلبني
قلت ارجعي يالمخطيه ،، قالت اخطيت..؟؟
اللي وقع في المخطيه ،، من خطمني
انا في المغرب ،، رحالي وحطيت
تبي تخاويني ..؟؟ هلا ،، وانت مني
وفي لحظه من ضعف ،، لليد ،، مديت
خذت بروس اصابعي ،، ما حملني
حتى شعرت اني بامان ،، وشديت
ايدي بيدها ،، ثم صاحت ،، هملني
اقلت اسكتي ياغافله ،، ثم هديت
وذكرتها بايام ،، في صغر،، سني
استرجعت نفسي وقالت ،، الا ليت
يرجع لنا الماضي ،، ويرضيك ،، عني
قلت اسمعيني ،، قالت ابشر ،، ولبيت
قلت ارضهم ،، تسحر ،، وهذا فتني
قالت نعم ،، وازيد من شعرنا ،، بيت
المغرب ارض السحر ،، ما خاب ،، ظني
مدت يديها للعهد ،، ثم مديت
يدي وعاهدنا بعض ،، ما تخني
تبقى معي ،، ما دام بالعهد ،،
وفيتونحط في المغرب ،، رحال التمني
==
سحابه صيف وتعدي لا يغرك الصيف وامطاره
بيحت سدك وسدي والكل هللت اعباره
حبيب راح من حدي ما اطول الليل ونهاره
حياه الروح يا وجدي تركت اليوم انا داره
بعد حالي اه من قدي شميت ورده مع ازهاره
نروح اليوم ما يمدي عليه حراس واخفاره
قياس الثوب ترى قدي ماهمني لو طاحت ازراره
الكل يصيح ويهدي ومسافرنا جاب اخباره
بكوا والكل متحدي نروح نروح باخطاره
غير اغادير ما بدي كازا وطنجه مع تماره
وسحابه صيف وتعدي اخضر عشبه من امطاره
==
رساله من الوالي |— *** —| كنه شعاع الشمس وشروقه
انتم جماعه وانا لحالي |— *** —| والكل راضي بمعشوقه
جمعنا حب الدار يالغالي |— *** —| وجمع شعثنا حلومنطوقه
ما اظن ياخوك بنسالي |— *** —| نمشي ونتبع سنا بروقه
على العهد ماشين طوالي |— *** —| وكل عرف بالوصل وحقوقه
ما استمع وش قال عذالي |— *** —| سوقي انا وياك مش سوقه
وارسلت على الخاص جوالي |— *** —| ولا تلوم منهو اشتاق يم شوقه
- شعر عن المغرب الحبيب
- صور المغرب بلدي
