كبه الرز وطعهمها يجنن
كبه الرز بالمرق بتاكلون اصابعكم وراها من حلاتها ( دايت سحوره )
المقادير
رز مطحون بمقدار كاسين متوسطين
بيضتين
بهارات
ملح ملعقه متوسطه وانتو شوفو كيف مقدار الملح المناسب
بصل مفروم
طماطم مقطع مكعبات صغار
ملعقتين زيت انا هنا مااضفت الا ملعقه والاغلب لما اسويها للدايت مااضيف ولا ملعقه زيت
نخلط المقادير مع بعضها وبتتكون عندنا مثل العجينه اللينه لينه لكن قابله للتشكل
نكورها وبعد مانكورها ندحرجها في كميه من الدقيق حتى تتماسك اكثر
واكيد حنا نكون مجهزين قدر فيه اشوي بصل وطماطم وبهارات وملح وماي يعني حمسه او مرق
ونضيف فيه الكرات لما تنضج
ويمكن اضافه مع المقادير لحم مفروم وخلطه قبل التكوير او في المنتصف براحتكم يعني
وبعدها الف عافيه على قلوبكم صورتها لكم وهي على النار
اضغطي هنا لمشاهده الصوره بحجمها الاصلي
اضغطي هنا لمشاهده الصوره بحجمها الاصلي
اضغطي هنا لمشاهده الصوره بحجمها الاصلي
ولما ستوت خلاص هذا شكلها وترى طعمها يجنن جربوها وبتدعون لي
ومثل ماقلت لكم في وجباتي مااحرم نفسي من شيء ابد
لان الحرمان نتايجه غير مرضيه ابدا
اتمنى انا الموضوع ينقل باسمي
لاتنسوني من دعواتكم الصادقه ولو في ظهر الغيب
وانا الله يحقق احلامي ويفرجها لي
