كلمات اغاني حنان ماضى

امبارح كان

امبارح كان ..كان في الامكان
اتهجى ملامحي .. و ينبت قمحي
بدل الاحزان !

و امبارح فات .. نغمات انات
في القلب حزينه .. والحزن اهو بات
والاقيك هتبات …ولا فرحه و زينه
في العين هتبان !..
هاتعود يا زماني ..للقلب اماني
وامل انسان ..
واعيش بكياني .. و افرح باغاني
ورد الاوطان ..
بدل الاحزان !!..
يا عيون ميادين .. شايفين شاهدين
على كل حياتي.. ده اكيد راجعين
كل التايهين..
بالحزن يوماتي

مسلسل الوشاح الابيض 1

وده عاش بيحلم وده .. كان قلبه يشبه لده
عاشق ولكن تاه !!
وده كان ما بين ده وده .. شاهد على كل ده
شايل كتير جواااه !!

والدايره دارت ما خلت .. والموجه علت وعلت
ناس خافوا من بعضهم .. ناس هربوا من نفسهم
ناس قلبهم دلهم .. ولقيوا طوق النجاه

وياما هايكون وياما .. ولحد يوم القيامه
ناس تانيه باسامي تانيه .. عايشين ما بين دنيا تانيه
دايرين في نفس الحكايه .. على انها حاجه تانيه

طب ايه الجديد يا حياه ؟؟
طب ايه الجديد يا حياه ؟
طب ايه الجديد يا حياه ؟؟!!!

مسلسل الوشاح الابيض 2

مين مننا كلنا .. ما بكاش ولا غنى
مين مننا كلنا .. ما فضلش يستنى؟
مين مننا كلنا .. ما بكاش ولا غنى
مين مننا كلنا .. ما حلمش بالجنه ؟!

ماهو زيكم زينا !! .. الليل بيسهر لنا
والنور بيطلع لنا .. والحب يسمح لنااااااا
مين مننا كلنا .. ما بكاش ولا غنى
مين مننا كلنا .. ما حلمش بالجنه ؟؟
واهو كلنا عايشين .. واهي كلها ايام
اوقات ندوب م الحنين . اوقات ندوب م الالام
ماهو زينا زيكم .. من قبلنا وقبلكم
مكتوب لنا كلنا .. فرحتنا او جرحناااا

مين مننا كلنا .. ما بكاش ولا غنى
مين مننا كلنا .. ما حلمش بالجنه ؟!