كلمات اغنية دبدوب

كلمات اغنيه دبدوب

 

 

شت كتير هداياى الراجعه ومالقيتهوش
..دورت ف كل هديه كتير بالطول والعرض
..وقلبت الشنطه كمان ع الارض
ولقيت دبله وجوابات وكروت
..وجنيه مقسوم وصور وقلوب
..لكن برضه
!! ناقص دبدوب

..كل اللى ف قلب الشنطه معاى بيستنظر
وبجد الشنطه بدون دبدوب
..مالهاش منظر
كل الجوابات ممكن يكتبها حبيب غيرى
والدبله خلاص موضوعها اتشال من تفكيرى
والباقى حاجات بتكون دايما بين اى اتنين
..وبتتكرر
..وف شنطه كل حبيب وحبيبه هتلقى حاجات منهم واكتر
وهتلقى شموع ودموع وفرح وامل ساكن
ممكن
..لكن
!! مش كل حبيب بيجيب دبدوب

وازاى انساه؟
وانا كل ايامى الحلوه معاكى .. معاه؟
..ايام ماعشقتك قبل ما اقول
..وايام ماحلمتك قبل ما اطول
وايام وايام بتفوت على طول
وانا وانتى ف كل دقيقه بنبنى جنينه حب وشوق وامل
وانا قلبى الديب
..على ايدك والله لقيته حمل
..كنت اما ازعل
الاقيكى بتجرى على الدبدوب
..لجل يصالحك
وف احزانك بيمد ايديه
..علشان يمسح دمعه جرحك
وف فرحك
..كان من فرحه يطير
..دا انا كنت بغير
لما اعرف انه امبارح كان بين دراعينك
وباحس ساعات وكانه حرس بينى وبينك
..واتخيل انه ساعتها خلاص قرب منك
..واديكى عليه
..وعنيكى عليه
:اجرى واطلع صورتك وانده
!! والله يا روحى انا اللى شاريه
وسنين بتفوت وقلوب بتدوب
وف لحظه خلاص يخدعنا كلام
..وتموت احلام
..ويضيع دبدوب

فاكراه واللى انتى خلاص ناسياه مع كل زمانى اللى عشقته؟
طب فاكره انا امتى زمان جبته؟
كات اول مره انطقها (بحبك) قدامك
وابص ف عينك قدامك
كات اول مره ادخل فى عنيكى بدون ما اخجل
سلمت كتير على كل رموشك ع المدخل
وف لحظه لقيتنى ف قلب عنيكى بدون صاحب
وجناين ماليه ربوع عينك مالهاش صاحب
وساعات بامشيها وحاسس انى خلاص مجنون
من كتر المشى نسيت ان انا اصلا فى عيون
ولقيتنى ف نن عنيكى خلاص بعد المشوار
..ولقيت لى ف نن عنيك جناين فل ودار
..ومشاعر حب وشوق وحنين وحنان جارفه
..عارفه؟
مع ان عنيكى مهيش خضره
!! الدنيا تملى ف نن عنيكى تبان خضره
..مليانه امل بتحاوطه الاحلام والخضره
وانا كل ما انام
..قلبى الحيران بيلوم رمشى
..واما اتحرك واعمل ماشى
بيقول لى : حرام .. لسه هتمشى؟
وسنين بتمر علي ف نن عنيكى السود
وف لحظه لقيتنى خلاص مطرود
..على ناصيه اول رمش بعيد
..من غير دبدوب

قلبى الطيب
..مش قادر ينسى سنين فاتت
..مش قادر يرمى حكايه حبه عشان غلطه ويقول :ماتت
جايلك من تانى بحلم جديد
جايلك وف ايده امل وحنان ولقى ومواعيد
ومعاه دبله

وجوابات

وكروت
وجنيه مقسوم
وصور
..وقلوب
:جاى يقول لك
…علشاااان خطرى
!!…خللى الدبدوب

• اغنية دبدوب وامل