كلمات مشيت على الاشواك
مشيت على الاشواك و جيت لاحبابك ..
لا عرفوا ايه وداك ولا عرفوا ايه جابك
رميت نفسك في حضن .. سقاك الحضن حزن
حتى في احضان الحبايب شوك .. شوك يا قلبي
مشينا هناك و روحنا .. واللي هناك جرحونا
جينا شايلين جراحنا و بكينا و قلنا جينا
جينالكم ياللي لينا .. مدوا ايديكم خدونا
شيلوا الشوك من صدورنا و الدمعه من عينينا
اللي جينالهم في جراحنا جرحونا
ابكي ..
ابكي تحت الليالي و الخوف ملو الضلوع
قلبي ..
قلبي يا بلاد غريبه بتنورها الدموع
رميت نفسك في حضن .. سقاك الحضن حزن
حتى في احضان الحبايب شوك .. شوك يا قلبي
ياللي في ليل البعد بننده تبقوا معانا
ياللي بنحلم بيكم ضحكه و احنا حزانا
باسم هواكم ليا بتطفوا الشمعه الباقيه في لياليا
باسم العطف عليا بترشوا الشوك في طريق ايامي الجايه
يا شط كان مفروش هنا و حب و اماني
ازاي تسلم مركبي للحزن تاني
الدنيا غايمه في عيوني
على فين يا حزن موديني
في رحله الوهم البعيده
لرحله الحزن الجديده
ابكي ..
ابكي تحت الليالي و الخوف ملو الضلوع
قلبي ..
قلبي يا بلاد غريبه بتنورها الدموع
رميت نفسك في حضن .. سقاك الحضن حزن
حتى في احضان الحبايب شوك .. شوك يا قلبي
