كلمه بمعنى ادمعت عيني
ادمعت عيني على ذاك الزمان
اطرب انا في تفكيري عن ماضي بدي في عيني
اطرب انا بالسيف يم الدواويني
والا يا محمل الخير .. ما ينسيني غير الجفن في اللحد … و انت تغطيني
اطرب انا في تفكيري لذاك الزمان يداويني
والا يا زمان اليوم ما يكفيني
هلا يا ريح المنكور و السعف يضربني .. ان جان شرجيها رطب … و المهفات تهفيني
لا صار المغرب صوت المؤذن ينسيني …. يداوي يومي و حر الشمس ما تعنيني
ترى يا يبى دوا الدختر ما يداويني … ما يداويني و ريح الصل يجويني
ليذكرت اهلي و ناسي .. يعنيني ..
كحلت انا اعيوني من حاضر و ماضي عتيج
( اسمعوا كيف يروي لنا شوقه )
يقول :
كحلت انا اعيوني من حاضر و ماضي عتيج
ضيعني الولع اوه .. اوه ضيعني الولع
ضيعني الولع بين بيتى و ذاك الطريج
( كثر الشوق و الحنين الذي يشعر فيه ضيع طريجه )
يقول :
كحلت انا اعيوني من حاضر و ماضي عتيج
ضيعني الولع اوه .. اوه ضيعني الولع
ضيعني الولع بين بيتى و ذاك الطريج
مريت انا من ذاك الفريج
( الله يا حلو الفرجان )
مريت انا من ذاك الطريج .. و حنيت اشوف ذاك الصديج
دخلت انا بيتى اشوف الفنر .. و البنجره
و اشوف المرزام … و صوتي باليوان اذكره ( الله .. الله )
اثري انا مشتاق يا يبى …
يوم صحيت من الولع اثري … اشوف شوقي رفيج… انتهى
اي .. نعم كان الشوق و الحنين اهو اللي مرافج هذا الرجل الى ذلك الزمان
الحقيقه لا املك دموعي احيانا و انا اسمع هذه الابيات المعبره بصوت صلاح حمد خليفه
اعيش الماضي كما عاشه صاحب الابيات
