الى بقات خبزه شايطه تنعمل بيها الفيسه العميا او الترده كتجي غزاله
ممكن نعملو شرائح ونعملو في البيض مخلط مع الحليب ونقليه في الزيت
كيجي بحال البينيي غزال
قشور الكروفيت مكنرميهمش كنيبسهم في الفرن وتنطحنهم وكتبقى عندي بنه الحوت فاش مبغيت نستعلها كنكهه
قشور اللوز حتى هما كنيبسهم وكنطحنهم ونعملهم في اي حلوه بغيت نسمهاباللوز
الراس ديال الحوت مني كنقي الحوت مكنرميش الريوس ديال الحوت كنعملهم في طنجره مع 1جزره وحده وحده من الحاجه يعني من الخض شويه الكرافس والربيه حبوب ابزار وتنعملهم يطيبو فوق البوطه حتى يطلق نسمه الحوت مزيان نخليه يبردونعملو في مربعات الثلج وندخلهم المجمد ونبقا نسم بيهم اي حاجه فيها الحوت
الكيس ديال الحمام مني كيصبح غير صالح كنحك بيه اواني الجيكس كيخرجهم كيشعلو
مني كنمشيو للحمام ونغسلو شعرنا بالغاسول الى بقا علينا الغاسول ممكن نستغلوه والنتيجه روعه
تاخدي الغاسول تديره فشويه ديال الماء و من بعد تطلي بيه لافابو ديال الماعن ديال اينوكس كلو و تخليه ليله كامله فالصباح غسليه و شوفي النتيجه
بقاياصابون الطاوس ولا الحجره كنزيد عليهم 2لتر ماء سخون وكنخليه ليله كامله فالصباح كنزيد عليه رابعه اومو ونصف طاسه اوني وكيعطيني4 او5 طاسات من عجين صالح لغسيل المواعن
نضيف ملعقه عصير الحامض مع الروز باش يجي بيض
لكل زلافه روز نضيف معلقه من العصير
الى تحرقتلك الطنجره نديروا
الما و الملح فالطنجره المحروقه 15د و نغسلوها
او
2م بيكاربونات الصودا مع الما سخون نخليهم مده و نغسل
لازاله رائحه العطريه من الطحانه ندير فيها قطع الخبز المحمص و نطحنوه فيها كيمتص الروائح
نضيف قبصه الملح لبياض البيض ملي نبغيو نطربوه باش كيطلع بزربه
باش تهناي من ريحه البيض
استعملي دائما بعض قطرات عصير الحامض مع البيض في اي وصفه كانت سواء حلوى او معجنات او طرطات لان زفوريه البيض كاتخصر النكهه
ملي كتبغي تصايبي بسيطلات اصغار ومكتوفريش على المول ديالهم ولهادا استعملي بكيه الفرماج مدوبل خاويه ديال لفاش كيرى كتوضعي فيها الوريقات وعاد كتعمريهم وملي تكملي تسدي البسيطله قلبيها على الوجه الي التحت وبهادا كيجيوا البسيطلات مقادين وبنفس القياس احسن ماكتعمريهم غير هاكاك وكتكري العمليه حتى كتسالي
باش الكلمار ما يطرطقش في القلي
قطعي الكلمار دوائر و رقديه في الحليب مع راس ملعقه صغيره من البيكاربونات الصود و مليحه و ابزار.
ملي تبغي تقليه اسقطريه و ديريه في الدقيق عاد ديريه في زيت ساخن .حتى و حده ما تهز الراس .
الا درنا كيك بالشكلاط نغبر المول بعد ما دهناه بالشكلاط غبره باش منى نقلبها ما يجيش فيها الطحين ابيض وحتى بالنسبه لاى حلوه فيها كوبيل حتى هى نغبر الطابله فين نطلقها بكوبيل
مين كنديرو كيكه بدانون فالغالب ماكيجيشي المذاق اديالو باين الى ابغيت يغلب مداق دانون فالكيكه خلطي المقادير العاديه اديال كيكه ومين اتخلطي بالطحين ضيفي دانون هو الاخير و تشوفي الفرق
باش الكيس ديال الحمام يبقى احرش
الكيس او الخرقه ديال الحمام دغيه دغيه كيرطاب و ما كيبقاش يحك مزيان ، كيولي حافي
ايوه اذا بغيتيه يبقى مده طويله حرش شويه و كيقضي الغرض بلا ما تشري كل ساعه الجديد ملي ترجعي
من الحمام صبنيه بالتيد ايه التيد و تشوفي كيف يولي ثم شلليه و انشريه ينشف و ردي علي الخبار.
فتات الحلوى لي بقات من بعد العيد ههههه
انا شخصيا كنطحنهم ونخلطهم مع الشكلاط مدوب او نستلي مع اضافه بعض المكسرات ونعملهم في كويغطات الحلوى
او نطحنهم ونعملهم كقاعده لتشزكيك عوض البسكوي
الا بقات القهوه لما عمرت لبريق يعني شاطت مترميهاش ديريها فالقالب ديال مربعات الثلج وخليها فالمجمد ولما تغلي لحليب وتكبيه فالكاس ديالك زيدي المربع ديال القهوه وهانت حصلت على قهوه حليب
التومه الحمرا او البيضا كتفرك شويه باش نزلو منها القشره والنباته ومن
بعد نهرمشوها فى المهراز مع الملح
نديروها فى طبسيل مفرش بطرف التوب او ورق ابيض وتشمش حتى تنشف وتطحن فى
الخلاط وتغربل وتنديروها فى قرعه
تنفورو التومه ولما تبرد تنعصروها فى قرعه ونضيفو الزيت حسب كميه التوم
وقبصه الملحه نحركوها ونسدوها
تومه الى كانت كتيره نديروها فى بلاستيك ونخبيوها فى المجمد كتبقى طول
العام
منين تلصق لينا الحلوه فاللاطه ديال الفران نديرو اللاطه فوق البوطه على
نار مهيله بزاف بحال الشمعه و منين تبدى تسخن نزولوها بشي حاجه غدي تقلع من
اللاطه بسهوله
واحد النصيحه الى شاطت لك السميده مفوره خدي مقدار منها زلافه صغيره مثلا وعجني عليها الخبز تيجي الخبز رطب وهشييييييييييييييش
منين تشري الكيس ديال الطحين هاداك الخيط لتتكون مخيطه به زوليه وغسليه مزيان بجافيل والمسحوق ونشفيه وخزنيه
ومنين تبغي اطيبي الدجاج كتفيه بيه او تعملي اللحم ملفوف عمليه مكان خيط المطبخ
في بعض المرات متيكونشي متوفر عندنا خيط المطبخ تيكون بديل ليلو
-ومنين تغسلي الربيع او النعناع في شي باسينه تيكون الماء كثير مترميهشي تقدري تسقي بيه النباتات ديالك وهانتي وفرتي في الماء
زيت قلي البطاطه ندهنو بيه الاطفال مكان الحفاظه تيمنع الطياب
الفقاص لتفتت ليك طحنيه جيدا وجمعيه بشويش دالزبده مدوبه وعمليه كقاعده لتشيزكيك
المسمن لشاط ليك طروفا وقصاح شويش بخريه في الكسكاس حتى يطرى وعمليلو لاسوس دالرفيسه وسقيه واكله هنيه
لعضومه دالتمر نجمعوهم ونعملوهم في الفريكو
ومنين نبغيو نطيبو الكرعين او اللحم قاصح متيبغيشي يطيب او اللوبيه رميو معاهم واحد لعضيم تيفتيهم
الزبده البلديه لرجعات فيها هاداك المداق ديال المروره منين تطول وخا في الثلاجه مرميوهاشي
نملحوها بالزعتر وزعيتره وازير وورقه الرند وعود سكين اجبير والملح الحيه
نصبو على هاد المواد الماء طايب ونخليه حته يبرد مزيان ونملحوها بيه وها السمن ممتاز عندنا
قشوروعضومه التفاح مترميهمشي
عمليهم في قرعه وصنعي منهم خل التفاح
الفوطه منين تقدام ومتبقايشي تستعمليها مترميهاش عمليها جفاف كتخلي الارضيه تتشعل
لبقا ليلك البارزيان /الباكيط/ قطعيه دوائر مائله وعمليلو لعماره دالبيتزا ورشي عليه الفرماج محكوك ودخليه الفرن غير يدوب الفرماج
واقتراح تاني عمليه في المجمد حتى يقصاح وحكيه وهاهي عندك لاشابلير
قشور البرتقال او الحامض
قبل ماتعصريهم زولي هاديه القشره الرقيقه ديالهم بموس البطاطا وعمليها تنشف مزيان في الفرن مطفي وطحنيهم وعمليهم في قراعي وخزنيهم وبقاي تستعمليهم كمنسم للحلويات او الكيك او حسب الرغبه ديالك بدل الفاني
واللب عسليه اي عمليه فواكه معسله
فكره اخرى لقشور البرتقال والحامض انا تنعنلها دائما كستعمال يومي معمرني ترميهم شحلا ماكانت الكميه
تتغلي هادوه القشور في الماء حتى تيطلقو وهاداك المحلول تتجفي بيه تيخلي الارضيه نقيه ومعقمه وفي نفس الوقت هاديك الريحه لتيطلق عند الغليان تتعطر البيت
الحليب لخسر ليك زيدي عليه قطرات من الخل او الحامض وقبصه ملح وخليه حتى يبرد وصفيه في شي ثوب رقيق وهاهو عند الجبن البلدي بصحتك
دائما مع الحليب في بعض المرات تنفيضوه في كاسرونه دالعدن وتيشيط اي تيعطي ريحه الشياط في هاد الحاله نخويوه في اناء اخر و نفزكو فوطه نقيه ونعصروها من الماء ونغديوه بها ونبقاو نعاودو العمليه حتى تتزول الريحه دالشياط
لقدر الله وغفلنا على الاكل فوق النار وحرق لينا ما نزيدوشي عليه الماء ابدا
نزولو برفق داكشي ليفالطنجره ونعملوه في صحن وللسق في القاع وتحرق نخليوه وناخدو طنجره اخرى ونعملو فها شويش دالزيت وبصله مقطعه جوانح رقيقه ونخليوها حتى تنزل عاد نزيدو عليها داكشي لكنا تنطيبو نعملو اللحم ثم الخضره
ونزيدو عليه شويش ديال العطريه والقوام والماء و تكمل طياب عادي
لبقا ليك الارز او ليباط طايبين
عمليهم كراتان
لكانوطايبين بلاصوص عمليهم في المول وصبي فوقهم البشاميل ورشي الجبن محكوك ودخليهن للفرن يتحمرو تيجي مداق رائع
ولكانو بالحليب زيدي عليهم شويش دالبشاميل وخلطي كلشي ورشي الجبن ودخليهم الفرن او عملي طبقات طبقه معجنات وطبقه مثلا كفته بالصوص وفي الاخير عملي البيشاميل والجبن ودخليهم تكراتيناو وبالصحه
اتفل او لقامه ديال الشاي نغسلو بها القراعي لتيكون فيهم الزيت تيزول بسهوله ومتتبقاشي فيهم الريحه دالزيت او نعملو ليهم تفل القهوه
لبقات ليك الحرشه فتيها وعمليها رفيسه
لبقات ليك كرواصه بالحق الممتازه المورقه
عمليها ام علي
وليبغات المقادير والطريقه ديالها انا رهن الاشاره
قشور الخيار عمليهم في المكان دالنمل تيهرب منو
الشطه صوص منين تقدام مسحي بيها رؤوس لعوينات الكويزينيار
الطالك منين يطول عندك عمليك في الاحديه اعز ك الله لكانت رجلك تتعرق
قشور البيض مسلوق فتيهم وعمليهم كسماد للغرس
قشور البنان /الموز/
مسحي بيهم وجهك
كدلك مسحي بيهم الحقائب و الاحديه الجلديه
الرماد دالفحم
حكي بيه الاواني النحاسيه تيرجعهم تيشعلو
وعمليه كدلك في لمحبق دالغرس كسماد
عندك خيار كتير و خايفه ليخسر ليك
تجريبتي المتواضعه لتنعمل
اي خضره متتصبرشي بحال الكورجيط لخيار الربيع ……..
تتعمليهم في توب مقطن دالمطبخ وتويهم فيه وتعمليهم في الثلاجه تيصبرو مده طويله
ونتمنى من الاخوات لعندها شي فكر ماتبخلشي علينا بها الكل يستفيد
المقله دالبغرير لمبقاتشي تطلع البغرير او دوزتي فيها ليدام مثلا طيبتي فيها ليكريب
عملي فيها الحليب ومنين يغلى زيدي عيه شويش دالنخاله وحركي مزيان حتى تشرب الحليب بالكامل وتنشف
تترجع بحال عاد شريتيها
هادي تجربه شخصيه
عندك كيوي بالزايد قشريه وقطعيه ورشي عليه شويش دالسكر وعمليه في اكياس صحيه وعمليه في المجمد
لعندك اي حليب مرطب مبقيتيشي تتستعمليه او نتهت الصلاحيه ديالو
مسحي بيه اللوح دالبلاكار او اي خشب عندك
الطجين لتشقق
عمري مكان الشق باصفر البيض تيلتحم الشق
فرشات الاسنان لقدامت
غسلس بيها المجوهات
نضفي بيها الكلافيي
نضفي بيها اليد دالثلاجه وكدالك الجلده ديالها
نضفي بيها حافات الروبيني د لافابو
وجميع الاماكن ليمتتوصلسي ليلهم الشيته لكبيره
بقايا الكيك
في كؤوس لتنقدمو فيهم المثلجات عملي قاعده من التحت ديال الكيك وسقيها بشيش دالسيرو ثم طبقه من الفواهك مقطعه ثم طبقه كريمه وهكدا حتى النهايه وزيني بالكريم فريش ورشي اللوز او الفيرميسال وقدميه بارد
او عملي طبقه كولي اي فاكهه ثم طبقه الكريمه ثم الكيك وهكدا حتى النهايه وزيني دائما بالكريم فريش ويتقدم بارد
لتبقى ليك الدجاج او اللحم دالمناسبات
فتيهم وعملي بيهم
اما بسطيلات فردييين او حتى بسطيله كبيره اما مالحه
شحري بصله مع التوابل والربيع وزيدي عليها الفطر والزيتون المصير و الشعريه الصينيه والفرماج وخلطي كلي وعمري بيه
او حلوه
زيدي اللوز مقلي وعملي دغميره دالبصله والبيض وعمري كيف العاده
او عمليهم كراتان
او بريوات
او رغيفات في الفرن……………………………………… .
البخاخ ديال الصابون الخاص بالزجاج والمرايات منين يتسال حتافضي بيه
-عملي فيه الماء والشبه مطحونه ورشي بيه الركاني تيمنع تكون العنكبوت /رتيله /
-وعملي فيه جافيل ورشي بيه الحيوط والسقف ليفيهن لغمال ومتحكي ماوالو منين غادي ينشف مغاديشي يبقى الاثر دالغموله نهائيا
-والبخاخ الصحي يعني متكونشي فيه مواد كيماويه
-عملي فيه الحليب ورشي بيه المعجنات لمتيدهنوشي بالبيض
-او عملي فيه الزيت للرش الطاوه اواي حاجه تتدهن بالزيت
الخضره للوات
عمليها في ماء مثلج دقائق قليله وراها غادي تجمع راسها
واحد النصيحه منين سمعتها من اللقاء المتوح وانا تنعمل بها
الجلده دالكوكوط منين تشريها جديده دهنيها بالزبده عاد ركبيها
منيني تبغي تحلي الكوكوط متعمليهاشي تحت الماء ابدا ولخفت من البخار ينتشر في المطبخ
زولي الصفاره وغطي مكانها بثوب وخليها حتى يخرج المخار عاد فتحي
بهاد الطريقتين غادي تنساي تشري الجلده
انا كنت من قبل واكلاني كل مره خاصني وحده حتى رجعت نشري بالصطوك
ولكن الحمد لله ديا معلتشي حتى على متى ركبتها
-صوص فينيكريت
لكرا ليها الخل وجاتنا زايده في الحموضه
نضيفو ليها شويش دالسكر على حساب الكميه لعامليين تينقص من حده الحموضه
-العصير لعملناه حلو زايد نضيفو لو عصير الحامض تينقص من الحلاوه دالسكر
ليبات لقدامو نعملو فيهم النباتات والازهارالعطريه /خزامى-قرنفل-ورد -نقطه زيت عطري في قطعه قطن /
وعمليهم في بلاكار الملابس وفي ركاني الصالون وفي اي ركن في البيت
-والتقاشر دالقطن مسحي بيهم الغبره
لستعملتي بياض البيض وبقى ليك الاصفر عمليه في كاس او زلافه وغطيه بالماء وغطيه ببابييي فيلم وخليه في الثلاجه تيبقى صالح لمده 3ايام
اكياس الشاي واكياس المانصنيه /البابونج/ ليتنعطيو للاطفال من المغص
منين نستعملوهم نعملوهم كمادات للعينين تيزولو النفاخ وترتاح العين
صابلي منين تبقى لينا نطحنوها ونعملوها قاعده ليتشيزكيك
او نزيدو عليها من بعد مانطحنوها الكوك و الفواكه الجافه /لوز -زبيب- كركاع -كاوكاو ……/
ونجمعو الكل بالحليب المركز ونكورو ونعملوهم في الشكلاط مدوب ثم نفندو في الكوك او الفيرميسيلوتقدميهم في كواغك الحلوه
-ويمكن تمعي الكل بالشكلاط وتحربليهم بحال الفقاص دهنيهم بالشكلاط وتخليهم حتى يجمد عليهم الشكلاط وتقطعيم مربعات او على شكل فقاص وتقدميهم في الكواغط دالحلوه
نفس الشيء بالنسبه لحلويات اللوز بحال /الملوزه وما شابه……./
نضيفو عليهم من بعد الطحن الكوك والفواكه ليعندنا مهرمشه ونجمعو بالشكلاط ابيض او الحليب المركز ليمتيحبشي الحلاو بزايد يعمل الحليب مركز مسوس وتكور وتفند في اللوز فيلي وتقدم في كواغط
او حسب دوق كل وحده المغربيات فنانات تبارك الله
الى تحرقات ليك الماكلا في شي طنجره اولا طجين اولا كوكوط كتاخدي الملح والماء
وتخليه يغلى 15 دقيقه وتحيديه وتغسليه عادي.
او الماء والخل ولما يبدى يغلي تحكي بملعقه خشب وهو تيغلي تتزول الحراق بسهوله
قلنا من قبل قشور البيض نعملوهم كسماد للنباتات المنزليه
كدلك الماء ليتسلق فيه نعملوه للنباتات بشرط ميكونشي فيه الملح او الحامض
لان الملح تتيبس النباتات وتتقتلهم
هادي فكره اخرى لعندك شي نبات مزعج وبغيتي تخلصي منو رشي عليه الملح
عملي في كيس المكنسه الكهربائيه بعض القطرات من الريحه لمتستعمليهاشي اوشي ريحه عندك
منين تتخدميها تتخلي ريحه مزيونه في البيت
دائما مع الريحه انا تنعمل غلاقه في الماء الكافي وتنجفف بيه البيت
طريقه رائعه لتنظيف زجاج النوافد بدون ماء شفتها وجربتها في الحين النتيجه مبهره وحبيت نعطيها ليكم
المساله بسيطه جدا عندك تقاشر/ الجوارب/ دالنيلو مسحي بيهم ناشفين الزجاج تيرجع تيشعل
دخلي يدك في التقشيره ومسحي بيها ناشفه وشوفي النتيجه بنفسك
لحفظ الخضروات الورقيه في الثلاجه طازجه لاطول فتره ممكنه قبل غسلها ضعيها في اكياس ورقيه حتي لا تتعرض لتيار هوائي بصفه مستمره ولا داعي لوضعها في اكياس من البلاستيك الا اذا قمت بغسلها وتجفيفها ثم لفها بفوطه نظيفه ثم تضعين الفوطه داخل الكيس البلاستيكي فهذه الطريقه تحفظها لك ليومين او اكثر جاهزه للاكل الفوري منها.
تزال رائحه الطبخ عن اليدين بفركهما بالخل .
تزال رائحه البصل عن اليدين بفركهما بورق البقدونس .
تزال رائحه الثوم عن اليدين بفركهما بتفل القهوه .
تزال رائحه السمك عن اليدين بفركهما بالليمون .
الطارط بالفواكه باش تقطعيها ويبقى شكلها جميل
عملي السكين في ماء مغلي ومسحيه وقطعي بيه
ونفس العمليه في كل مره
كيفاش تسلقي البيض المهرس
يمكنك تغليفه في ورق الالمنيوم ثم اسقاطه في الماء المغلي
.اما اذا كان البيض سليم من الشروخ فيوضع في ماء فاتر عند سلقه حتى لا يتكسر .
لنكاصات دالضو والبوانيي دالابواب
حكيهم بالجيكس ناشف بال ما بلا والو ومسحيهم تيرجعو تيشعلو
الدجاج لفوت في الطياب وتحل
زولي لغطا دالطنجره وخليه حتى يبرد تماما راه غادي يشبر راسو
عاد هزيه برفق وعمليه في مول دالفرن وزيريه مع بعضياتو لكان بزاف
اما لكان غبر واحد عمليه على جنبو ودخليه للفرن يتحمر من بعد ما تكوني دهنتيه بالزبده
الكرعه الحمرا للقيتيها باسله
تسلق مع السكر بضع دقائق وتستعمل
زيت الزيتون لقدامت
زيدي فيها بضع حبات زيتون اخضر وتترك في مكان مظلم 4ايام تترجع بحال الجديده
دجاج باش متزولشي ليه الجلده دالصدر
منين تكوني تتنضفيه فصلي الجلده على الصدر متبقاشي لاسقه فيه بحيث دخلي يدك مابين الجلده واللحم بلا ماتقطعيها
وشملي مزيان ما بينهم وخليه حلى ضهرو ليله كامله حى يشرب شرموله مزيان
وفي الطياب متغطيشي الطنجره كامله غير النصف فقط
وفي الاول نزليه على جنابو وفي ربع ساعه الاخيره عاد على صدرو
طريقتي الخاصه متتزولش لي الجلده
الكرعه السلاويه لجاتك باسله
رقديها في الماء والملح قبل الطهي
الكرعه الحمرا لكانت عنك بزايد
عمليها
عصير
مربى
الفيزر تيفسدها متعليهاشي فيه ابدا
الدلاح لجاك باسل عمليه عصير
لعملتي المربى وجاك حلو بزاف زيدي فيه عصير الحامض
لعملتي العسل وجاك قاسح
عمليه فوق نار هادئه وزيدي عليه قليل ماء مغلي وخليه غير يتجانس وطفي عليه
الماء على حساب الكميه ليعامله واش قليله اوكثيره عينك ميزانك
لبقا ليك في اخر الشهر بقايا من اللحم والدجاج والصوصيط والكفته كل حاجه منها غير شويه
قطعي الكل بالتساوي وشحريهم كل واحد لوحده مع قليل بصل وتوابل ومن بعد خلطيهم كاملين مع بعضهم
وعملي قاعده بالعجين المكسر مالح وصبي فيها الخليط كامل
وطربي البيض الكافي مع قليل كريم فريش دالطبخ وصبيه فوق الكل ودخليه الفرن يطيب
وهانتي عندك كيش بدوق مميز
لبقى ليك الارز مسلوق طحنيه مع قليل جبن وكوريه وعملي فيه ثقب وعمريه بالجبن محكوك وعاود كوريه من جديد بحال الكبه
وفنديه في البيض ثم في الشابلير وقليه في الزيت غزير وبالصحه هاد الفكره خديتها من الشيف يسري
منين تعملي البرقوق مشماش سفرجل ….. معسلين
زيدي في الاخير م ك مربى مشمش وم ك زبده تيجي منضر ومداق رائعين
لبقى ليك البرقوق او المشماش او الكرموس معسلين دالفرح
لكان مزيوده فيهم المرقه داللحم في اطياب
عمليهم في بواطات وعمليهم في المجمد ووقت ليحتجتيهم خرجيهم وسخنيهم عادي
ولكنو معسلين غير بالماء والسكر التعسيله العاديه
عمليهم مربى معسيهم اوطحنيهم وزيدي ليهم السكر لحتاجو وخليهم فوق نا مهيله حتى يعقادو وزيدي عصير قليل حامض وبالصحه
منين تتعملي البسطيله تيبقى هادوك الجناب دالورقه او شي ورقه مقطعه تتاخديها
تندوزيها في المكينه دالرزيزه وترشوها بالزبده مدوبه وتنعملوها اعشاش
وتنزينو بها البسطيله
لكانت حلوه تتعمري الاعشاش بالمكسرات
ولكانت مالحه تتعمريهم باي حاجه مالحه مقطعه رقيقه بحال كورنيشو وزيتون وفطر او طيبيهم خاويين وعاد عمريهم ببيض السمان مسلوق او غير البيض العادي مقطع على 8
وزيني بيهم البسطيله من الفوق
منين تشري النعنان العبدي او لكناوي وتنقيه حتافضي بجدوره او السيقان ديالو وغرسيهم في محبق وعمليه في البالكو او شي مكان مهوي
وبقاي تسقيه بالماء لتغسلو به الربيع او الخص او النعنان او …..
ومن بعد مده قصيره ها النعناع عندك طبيعي والريحه ومنضر روعه وغير عريش منو يكفي
باش تتهناي من سراق الزيت الصغير ديال المطبخ عملت لو واحد 3 الحوايج ومع عرفتشي اشنوليجاب الله عليه السبب
المهم عملت الكافور وبايكون غبره واحد الصاشيه تتباع ب5دراهم تتخلط مع دانون صغير
تتعمليهم في الركاني واي بلاصه تيتواجد فيها من بعد غادي تفاجئي بالجيوش دصراق الزيت لغادي تلقاي ميتين
باش تقشري الزنجبيل الطري بلا ما ضيعيه قشريه بالملعقه الصغيره راه تتزول غير القشره الرقيقه
لتخنقو ليك لعيون دالفورنو عملي فيهم بضع نقاط من الخل
الميكه ديال السباكيتي مترميهاشي
منين تخويها حتافضي بها
طيبي فيها الكاشير
الجرائد معمر ترميهم
مسحي بيهم النوافد الزجاجيه والمرايات
من بعد مترشي عليهم الصابون الخاص بيهم مسحيهم بثوب مسحه خفيفه ثم مسحي بالجريده تيرجعو تيشعلو
للقتي البطيخ باسل /الشمام / مترميهشي
عمليه عصير او مربى
او قشريه وقطعيه مربعات وعمليه في المجمد ووقت لبغتي تعملي العصير تلقايه موجود
لنبت ليك شي راس دالثوم
عمليه في كاس طويل وعملي عليه الماء غير يغطي الجزئ السفلي ديالو وخليه ومره مره زيديه الماء لقل
وغادي تحصلي على الثوم القصبي
علبه كلينيكس منين تسالي
عمليها لحمل الاكياس البلاستيكيه
ش تحافضي على النتاف ومقص الاظافروغيرهم من الضياع
عملي قطعه مغناطيس /الهند/ في الصيدليه ديالك ولسقيهم فيها
لاصوص ديال الكسكس الا شاطت لوحي فيها بطاطا مقشره ااطراف حتى تصلق و طحني كلشي و ها صوبه واجده في دقائق و كذالك مفيده بزاف.وحده اخرى تفكرتها تاني ههه
لاصوص ديال الرفيسه الى شاطت ,كنرمي الشعريه او لسان الطير كتجي غزاله منسمه بالعطريه والسمن
الى درتي كسكس بزاف وشاطلك ومابغتيس دريه سكوك مع البن
دهنيه بالزبده بزايد ودريه فطبسيل وزوقيه بالوز وقرفه وسكر وبيض وهاهو ولا سفه لكوتي مع براد اتاي
باش ميكحالكش نعناع فالثلاجه دريه فورق لكنشفو به زيت ولويه فيه وعاد دريه فبلاستيكه
من تسلالك القراعي دزاج ديال مربى او مطيشه متميهمش غسليهم مزيان وستعمليهم لتخزين الاعشاب المنسمه اليابسه بحا ل زعتر لويزه رند …..
من تخوي الطن من حك ديالو مترميش زيت خبيها فقرعه دزاج ونسمي بها الباييلا
من تكون عندك مطيشه بزايد قشريها وقسميها على 4 ودريها طيب مزيا من بعد طحنيها فلاله ليدويه ورديها للطنجره وزيدي عليها ملحه لكافيه وتحميره وبزار وزيت ورديها طيب مره 2 ومن تشوفيها شوي نشفت كوبيها وهي سخونه فقريعات زاج وسديهم مزيان باش ميدخلش لهو ى وقلبيها على غطايه ديالها ودريها فمكان مظلم تحت بوطاجي مثلا وكل ماجبتي قرعه باش تستعمليها دريها فالثلاجه
ن تشري حب الملوك حيديلو الاغصان ديولو وغسليهم ونشفهم مزيان واستعمليهم لتزيين حلويات لكتكون على شكل فواكه
لغلاقه نتاع شمبوان لاوفال غسليها وستعمليها بحال مرشم تاع حلوه
الى كنتي عكزانا باش توجدي لكوتي من تعجني فصباح حيدي شي كره تاع لعجينه دلخبز وحتافظي بها فالثللجه وفلعشيه اجبديها كرصيها غتكون خمرات وقطعيها مربعات وقليهم وهالبطبوط عندك واجد
الى كانت فخاطرك مونادا ومقدتيش تشربيها حيت فيها الغاز بزاف دري فيها قطعه ديال الخبز غادي تشرب الغاز كامل لفالكاس
لمعلقات لكيكونو فالقابسه تاع السيرو متلوحيهمش ستعمليهم فقيريعات العطريه وهكد غتفاداي توسخي الملحه سكينجبير بتحميره وزعفران ……………
الى كنتي مسافره وكان عندك الماكولات فالكنجيلاتور وخفتي يكون تقطع الكهرباء وكلش داب وولا جمد ونتي معرفاش غتخدي كاس ديال لماء ولونيه ودريه يجمد من بعد حيديه من لكاس وولي رجعيه فشي بلاسيكه الى كان ضوء تقطع مده طويله غتلقاي ماء ملون مبقاش فشكلو هكدا غتعرفي واش الحويجات فسدو الى لكاس بقى هو هو يعني كلش راه مزيان
لخنشه ديال ارز اوسميده غلفيها بشي ثوب ودري فها الخبز كيبقى رطب
الى كان عندك حب لملوك بكثره غسليه ودري عليهه سنيده وبيتيه فثلاجه ولغد ليه دريه فوق العافيه مهيله حتى يطيب مع تحراك مره مره ويولي مربى بصحه وراحه كيجي هائل
القراشل او لبريوش يلا جاو مدقصين او بداو تيقصاحو
قطعيهم بالموس على شكل فقاص و ستفيهم في اللاطه و دخليهم يتحمرو في الفران
تيجيو بحال الفقاص بنان
مني تسالي ليك لبواطه تاع معجون غسل الاواني بحال oni ماتلوحيش لغلاقه
ستعمليها كقطاعه تنفعك في البينيي البطبوط الحرشه الشوصون و غيرها
و كل مره شري حجم مختلف باش يولي عندك قطاعات دائريه من كل الاحجام
خدي قرعه صغيره دلميكه وسخني قطيب وعملي بها ثقابي
وحطي فيها صابون لغسيل وسديها وحطيها في محل الماء لكرسي الحمام ( السيفون )
وكل ما تدخلي للحمام تبقى ريحته نظافه
اذا بقى ليك العظام اللحم او الدجاج لا ترميها
حطيها بقدر الضغط ( الكوكوط ) وحطي معاها فلفل رومي
بصل ثوم واي منكهات تحبيها وشوي ما وقفليها وخليها تطبخ
ثم صفيها وحطيه بقوالب حسب حاجتك وحطيها بالفريزر
ولما تجمد ممكن تشيلي الطبقه الي فوق تكون بيضاء لاصحاب الريجيم
ولا انا افضلها تبقى وتحتفظي بيها بالفريزر
لوقت الاستعمال
باش تصايبي لاشابلير حطي بقايا الخبز بصينيه وكل ما تشتغلي بالفرن وتخلصي وتطفيه دخلي صينيه الخبز
لين تنشف واطحنيه وانخليه وحطيه بقرعه واحتفظي بيه هذه طريقتي فيه
بالنسبه لسؤالك الثاني ما دري قصدك الفواكه المسكره ؟ ولا المربى ؟
العلب ديال الجزم لا ترميها غلفيها بذوقك واستخدميها للبكلات
وعلب البلايز استخدميها بتقديم ظيافتك
اجمعي القطع الصغيره المتبقيه من الصابون في قطعه نايلون مشبكه (مثل اكياس البصل)، اربطيها وعلقيها على حائط الحمام.
* اذا سحاب الفستان او البنطلون لا يبقى مقفلا، رشيه بقليل من سبراي الشعر وسيبقى مقفلا كل اليوم.
* الجوارب القطنيه ممتازه للتلميع والتنظيف من الغبره ، البسي واحد في يدك وامسحي الغبار
* الصوف ممتاز لتلميع الفضه .
* اذا قررتي ان ترمي خزانه الدروج التي توضع في غرفه النوم، لا ترمي الجوارير (الدروج)، ضعي قطع بلاستيك من اسفلها، ليسهل جرها، ضعي داخلها قماشا واغراضا اخرى ثم جريها تحت السرير.
* للثقوب التي في الحائط، ضعي معجون اسنان، دعيه يجف ثم ادهني فوقه.
* دليل الهاتف الكبير، بامكانك ان تغلفيه بالقماش، او ورق الحائط، وتضعيه على كرسي ليجلس طفلك عليه.
* الشعر الذي على الذره الطازجه ، من السهل ازالته بماديل ورقيه مرطبه .
* حتى تبقى مرايا الحمام صافيه من الضباب، نظفيها بمعجون الحلاقه .
* عندما تفصلي البياض عن الصفار لصنع حلو معين، تحتارين في استخدام الصفار، في هذه الحال، اسلقيه، ثم ضعيه في منخل واسع الثقوب، اضغطي عليه ليخرج من الثقوب. وعندها يصبح لديك برش للبيض يؤكل فوق السلطه .
* حتى لا يختنق المجلى ويبقى الماء جاريا، ضعي في المجرى كربونات الصودا واسكبي فوقه خل.
* ضعي بعضا من حبوب الرز داخل المملحه حتى لا يتجمد الملح في ايام الرطوبه .
* لعمل زيت زيتون منزلي، ضعي 4 حبات زيتون كبيره داخل كوب زيت عادي. ضعيه في البراد، وغطيه باحكام لمده اسبوع، ثم استخدميه. طعمه سيكون مثل زيت الزيتون.
* زيت الطبخ ينظف الشحم الاسود من اليدين. اتركيه قليلا ثم افركيه.
* لازاله الرائحه من الاحذيه ، اصنعي المعطرات الخاصه في البيت؛ ضعي قليلا من كربونات الصودا في قطعه قماش قطنيه ، اربطي الاطراف بقطعه مطاط. ضعي واحده في كل حذاء حتى الصباح.
* لازاله رائحه الدهان، اخلطي ملعقه كبيره من الفانيلا في كل 4 اكواب من الدهان. وهذا لا يؤذي الدهان. او قطعي بصله قطعا كبيره ، ولا تقشريها، وضعيها في وعاء به ماء بارد في الغرفه التي تدهن.
* حتى تتخلصي من الدموع عند تقطيع البصل، لا تقصي جذر البصله ، اتركيها فهذا هو القسم الذي يدمع العينين.
* لتنظيف الجوارب البيضاء لتصبح ناصعه البياض، اتركيهم فتره في ماء مغلي به شريحه حامض.
* ضعي الشمع في الفريزر قبل تشعيله حتى لا تذوب بسرعه .
* ولديكور جديد، استخدمي قطعا من القماش لتزين الحائط بدلا من ورق الجدران، مثلا الدائر المزخرف حول الغرفه ، ممكن استبداله بقماش. تصنعين المخدات للكنب ومن نفس القماش قصي عرض 10 سم وطول على حسب الرغبه ، وضعيهم حول الغرفه على الحائط، ثم ثبتيهم بمسامير ملونه بنفس اللون، او لونيهم حتى لا يظهروا من فوق القماش.
* اذا كان لديك خزانتين فوق المجلى وبينهم فراغ، ضعي بينهم عصا من التي تستخدم لتعليق الستائر، وعلقي عليها ما تريدين، مثل الملاعق الكبيره ، والمغارف.
* ايضا لفن جميل، ممكن ان تاتي باحجار ناعمه ومصقوله ، وتضعيها داخل وعاء زجاجي، حتى ممكن تلوينها اذا شئت. او ممكن تاتي بصدف وتقومي بعمل نفس الفكره . وبامكانك ان تضعي الوعاء بعد ان يمتلئ او كما تحبينه ان يكون، فوق شباك المطبخ. او ممكن ملئ وعاء زجاجي بماء ملون ووضعه على الشباك، او اوراق ورد معطره ، او خرز وغيرهم من الاشياء التي تجدينها في البيت.
* ضعي مراه كبيره في غرفه صغيره حتى تظهر بانها اكبر.
* اذا كان لديك اطفالا يحبون الرسم على الحائط، شجعي هذه العاده ، هاتي لفائف من الورق الرخيص والكبير الحجم، مثل ورق الجدران، وعلقيه على الحائط بواسطه دبابيس خاصه ، ودعيهم يرسموا حتى يناموا وممكن ان تعلقي على حائط باكمله على طول الطفل.
* سلال الغسيل الكبيره تفي بالغرض افضل بكثير من صندوق الالعاب لتخزين العاب الطفل. فهي اسهل في التنقل، ارخص بكثير من الصناديق الخشبيه ، غير مؤذيه اذا وقعت على الطفل….
*افركي بقعه الصدا بطباشير ثم امسحيه بمنديل او قطعه قماش ناعمه ..
ممكن تستعملين بيكربونات مخففه بقليل من الماء وافركي البقعه بنعومه..
* ممكن لازاله الصدا تدهنين مكانها بزيت او فازلين لتجنب رجوعه ثم امسحيها بعد فتره ..
في كل الحالات لاتستخدمين اي شئ خشن للفرك استخدمي قطعه قماش ناعمه ..
لي عنها شي افكار تعتقنا بيهم شكرا ليكم اخواتي
- الدجاج باش مايجيش قاسح
- كيفاش نحافظ على يديا رغم بغية نحك الماعن بزكس
