كيفية عمل الفسيخ في المنزل

كيفيه عمل الفسيخ في المنزل

 

المكونات:

سمك بوري” لكيلو سمكتين”
نص كيس ملح خشن
2 معلقه كبيره شطه
و اكياس جديده

و حته قماش
الطريقه:
اول حاجه نجيب السمك طازه … و حطي 100 خط علي طازه
و مانغسلوش و مانعملش فيه اي حاجه

طريقه عمل الفسيخ المملح بالصور في البيت
و بعدين نجيب جرنان و نحط عليه السمك بالشكل ده

طريقه عمل الفسيخ المملح بالصور في البيت

لحد مايصفي كل الدم
لمده لا تقل عن 12 ساعه
يعني تحطيه بالليل و تعمليه الصبح
طريقه عمل الفسيخ المملح بالصور في البيت

وبعدين تجيبى الشطه والملح
وبعدين تفتحى خياشيم السمكه كده على الاخر
شايفاها حمرا ازاى لانها طازه

طريقه عمل الفسيخ المملح بالصور في البيت

و بعدين نحشي خياشمها دي بالملح و الشطه
تجيبي الملح و الشطه و تلخبطيهم علي بعض
و بعدين تحشي لحد ما تحسي انها هاتفرقع و تضغطي عكده بصوابعك علي الخياشيم المحشيه دي
هتلاقي الملح بيخش لجوه كده و بيتكبس
كده زي الصوره

طريقه عمل الفسيخ المملح بالصور في البيت

و تعملي كده في كميه السمك اللي عاندك
و بقي شويه من الملح و الشطه دول…
هاقولك هانعمل بيهم ايه
حلو ….. حلو
تجيبي بقي كيس نايلون و تحطي فيه شويه ملح و شطه كده
بس ماتحطيش اكتر من سمكتين في الكيس الواحد

طريقه عمل الفسيخ المملح بالصور في البيت

اهو الكيس فوق
تعالي بقي نحط السمك بعد ماحشيناه
واحده عكس التانيه
كده زي الصوره

طريقه عمل الفسيخ المملح بالصور في البيت

و نروح رشين عليه شويه كمان من الملح و الشطه
و نربط الكيس الاولاني كويس قوي
و نلفه في كيس نايلون تاني

طريقه عمل الفسيخ المملح بالصور في البيت

و بعين تلفيه في كذا كيس
يعني حوال 5 كده
و بعدين اخر حاجه نلفه في مشمع
او كيس تخين علشان مايطلعش ريحه
كده

طريقه عمل الفسيخ المملح بالصور في البيت
و بعديييييييييييييييييييييي ييييين بقي
نحطه في حته كده بعيد شويه
يعني في درفه مطبخ اللي تحت
او اللي عندها دولاب بلكونه
او اي حته مداريا
بصي بقي ركزي شويه معايا
احنا مش هانفتح الفسيخ خالص
اول 3 ايام…. مش هانيجي جانبه خالص
من بدايه اليوم الرابع لحد اليوم 15
كل يوم نقلبه مره
و هو ملفوف زي ماهو
يعني بنقلب اللفه كلها
الكيس كله
ازاي بقي
هو دلوقتي معدول نقوم محركينه كده كانه نام علي الجنب الشمال
و بكره نخليه ينام علي بطنه
و بعده نخليه علي الجنب اليمين
و بعده نخليه تاني يتعدل
يعني بيلف
كل يوم حركه واحده بس
يعني اول ماتصحي الصبح حركيه و انسيه بقي لحد تاني يوم الصبح
الحركه دي مهمه قوي
لانها بتخليه يستوي
طيب هايطلع ريحه… اه هايطلع ريحه بس اول تلات ايام بس
و بعدين هايبقي فيه ريحه… اه بس خفيفه قوي