كيفيه عمل شوربه المشروم
المقادير:بصله مقطعه قطعا صغيره .
3 ملاعق دقيق.
3 ملاعق زبده .
ربع كيلو مشروم.
كوب كريمه .
ملح وفلفل.
5 اكواب شوربه فراخ.
اوراق بقدونس للتزيين.
الطريقه :
دي مفيش اسهل منها اول حاجه هاعملها هاقطع المشروم..
هاجيب حله واحط فيها شويه زبده واشوح فيها المشروم لمده عشره دقائق وطبعا هاضيف عليه الملح والفلفل.
بعد كده هاخد حوالي كوب واحد من الشوربه واحطها على المشروم واخليه على النار لمده عشره دقائق علشان يستوي وبعد كده هاطفي البوتجاز واسيب المشروم لغايه ما يبرد.. وبعد ما يبرد هاضربه في الخلاط.
هاحط شويه زبده في طاسه وهاضيف ليها البصل واشوح البصل على النار لمده ربع ساعه .
بعد كده هاضيف ليها الدقيق مع التقليب المستمر لغايه لون الدقيق يبقى ذهبي وبعد كده هاحط كوب شوربه بالتدريج مع التقليب المستمر علشان الدقيق ما يكلكعش وبعد كده هاضيف ملح وفلفل.
هاجيب المشروم اللي ضربته في الخلاط واحطه في حله على النار وهاضيف اليه كوب الكريمه واسيبهم يغلوا كلهم مع بعض… وبعد كده هاحط باقي الشوربه .
هاجيب طبق الشوربه واحط فيه الشوربه .
ده الشكل النهائي لطبق الشوربه وعلى فكره ممكن انك تزيني الطبق ببعض اوراق البقدونس…
وبالهنا والشفا
