كيفيه عمل كيك سبونج بوب
اول المقادير
اي كيكه مضبوطه عندك تسوينها بصينيه مستطيله (انا استخدمت صينيه صغيره )
بعد ماتبرد عدل يتساوى سطحها( يعني السطح اللي نخبز وارتفع من الجهه الاعلىنشيله بسكين علشان يصير مسطح )
2-سباتولا راسها ضعيف اوسكين
3-الوان طعام(احمر-اصفر-اخضر-ازرق-اسود-بني او شوكلا بني)لابد من الالوان بعضهم شريتهم من تافولا
4-شوكلاته خام ابيض 500 جرام(لاني استخدمت صينيه صغيره وطبقه وحده بس كل ماكبرت الصينيه الشوكلاته راح يزيد الكميه )
5-القليل من كريمه الخفق
6-طاسات صغيره لوضع الشوكلاته فيها
7-عود اسنان او سكينه
8-مايكرويف واذا ماوجد ممكن تذويب الشوكلاته على دبل بويلر يعني قدر فيه ماء فوقه طاس ستاليسستيل اكبر من القدر ويتشغل على القدر حتى الماي يغلي وتحتر الطاسه ومع التحريك تذوب الشوكلاته المقطعه
9-كيسين جديدين بلاستيك لحفظ اللحوم
الشغل
طريقه العمل:
1- بعد التاكد من بروده الكيكه من حراره الفرن واستواء سطحها تكون مقلوبه على وجها(اللي لاصق بالصينيه نخليها هي اللي فوق لان سطحها بيكون متساوي بشكل جميل)مقلوبه على شبك اذا وجد(انظف للشغل)
2-نذوب كميه 300غرام شوكلاته بيضاء
طريقه تذويب الشوكلاته
نقطع الشوكلاته قطع صغيره بالسكين بشكل عشوائي
1-اذا بنستخدم القدر للتذويب راح ياخذ وقت شوي بعد مايغلي الماء نخلي النار وسط ونضع عليه الطاسه اللي فيها الشوكلاته ونحرك بشوكه او سلك معدني لين تذوب الشوكلاته مع الاستمرار بالتحريك
2-باستخدام الميكرويف نضع قطع الشوكلاته بزبديه ونشغل الميكروييف لمده ثانيه ونطلع الزبديه ونحرك لين يذوب الشوكلاته اذا بقى شوكلاته ماذاب نرجع الزبديه الى الميكروييف ونشغل مده بسيطه ونحرك وكذا لين ماتذوب الشوكلاته كلها ولانولع عليها المايكرويف مره وحده وبعدين بتغلي بيتغير طعمها
3-نضع نقط من اللون الاصفر الى الشوكلاته المذابه ونحرك حتى يمتزج اللون جيدا بالشوكلاته (نضع عدد من النقط حتى تصبح الشوكلاته اصفر فاقع جميل)(انا اضفت القليل من كريمه الخفق السايله ومزجتها معالشوكلاته بس شوي عشان حبيت امهل فيها شوي للتزيين فما بغيتها تنشف وتقسى بسرعه -بس مو كل ما اذوب شوكلاته احط معها كريمه بس اللي احسه صاير ناشف مره )
هاذي الخطوه بنكررها مع تذويب كميات الشوكلاته بس بشكل اصغر يعني لما ابغى الون الفم بيكون لون احمر ما اذوب كميه كبيره من الشوكلاته لاني راح احتاج كميه بسيطه وكذا
يعني كلما بغيت الون شي اخذ كميه من الشوكلا واذوبها واضيف اللون واخلط والون وليس اني اذوب كميه الشوكلاته كلها راح تجمد شوي شوي حسب احتياجي فقط
هنا انا غلطت وسويت200غرام بس فبس غطيت اعلى الكيكه فقط
4- نصب الشوكلا الصفرا بسرعه على وجه الكيكه ونساويها بسباتولا او ظهر سكين(نحاول نخلي طبقه الشوكلا كلها متساويه وتغطي الكيكه كامله بالتساوي يعني مو جهه جبل وجهه هضب والثالث وادي
كيكه سبونج بوب2024 ,طريقه عمل كيكه سبونج بوب hayahcc_1356253377_578.jpg
5- الخطوه هاذي مهمه واحس انها اللي بهذلتني شوي(الا وهي رسم الوجه )انا رسمت شوي وقعدت الون وارسم والون كذا يتعب شوي وممكن انسى ارسم شي(مثلي نسيت ارسم الوجنتين والبنطال)
فاحسن شي بعد مانصب الشوكلا الصفرا نخليه دقيقه تتماسك شوي وبدون ماتيبس وتقسى مره
طريقه الرسم :
بعود اسنان او طرف السكين نرسم من تحت لفوق
1-اول شي الجزء السفلي من سبونج بوب البنطال والكرفته والقميص الابيض وننتبه ان يكون القميص متوازي للكيكه (غلطتي شوي مايل)
2-نرسم الفم الضاحك مع مراعاه انه يكون كبير باسم والوجنتين جنبه مع اللسان والاسنان داخل الفم )واذا غلطنا بالرسم نحاول نعدله مدام الشوكلا بعدها ماتقسى
كيكه سبونج بوب2024 ,طريقه عمل كيكه سبونج بوب hayahcc_1356253376_332.jpg
3-نرسم العينين الكبيرتين جنب بعض لزق
ويكونوا فوق الفم مباشره مع مساحه للانف(انا استخدمت قطاعه الدونات لرسم حدود العين الخارجيه باني امسك القطاعه بيدي اليسار واضعها على الكيكه واضغط ضغط خفيف حتى تثبت واحدد بالسكين (لاني كانت قاسيه فحتجت ارسم بالسكين من قلب فاتوقع انتو تحتاجوا بس ضغط)
كيكه سبونج بوب2024 ,طريقه عمل كيكه سبونج بوب hayahcc_1356253376_792.jpg
داخل العين(العين الزرقاء استخدمت راس تزييني مقلوب علشان يعطيني دويره مناسبه (طبعا الدويره الصغيره اللي بتنرسم منقطاعه الدونات ما نبغيها لانها ماراح تعطيني شكل قريب لسبونج بوب اللي نعرفه فنستخدم اي شي يعطينا دويره مناسبه موشرط راس تزيين العينين الداخليتين قريبتبن من بعض اللون الاسود ما رسمته بالبدايه لانه راح يتغطىباللون الازرق فيرسم بالنهايه
ولاننسى نرسم الرموش
كذا رسمنا الشكل طبعا الحين مرسوم بس بدون الوان
الصوره فقط كيف وضع القطاعه على الكيكه ماتذكرت الا بعد ما خلصت
6-نحط الكيكه بالثلاجه حتى يجمد الشوكولا وتصير طبقه قاسيه (موتثلجوها )
هاذي الخطوه حلوه للتلوين يعني لو لونتي وطلع شوي بره تقدري تمسحيه بدون بهدله وتعدلي براحه اكثر لو ان الشوكلا الصفرا مو يابسه
7-نلون الفم بشوكلا حمرا غامقه شوي (شوكلا مذابه ومخلوطه مع لون احمر وشوي اخضر او حسب مذوقك) طبعا بس الفم يعني الاسنان لا و لا اللسان
كيكه سبونج بوب2024 ,طريقه عمل كيكه سبونج بوب hayahcc_1356253376_506.jpg
8-ناخذ شوي من الشوكلا الحمرا ونذوبها مع شوكلا بيضا حتى تعطيني لون وردي فاتح ونلون اللسان
9-ممكن ناخذ من الخليط اللسان ونعدل اللون شوي ونلون الوجنه (طبعا نحطه بكيس البلاستك الشفاف لحفظ الخضار او اللحم ومقصوص من طرف قصه صغيره يعني فتحه صغيره ونعصره على الوجنه بس رسم حدود وليس تلوين
10-ناخذ من الشوكلا اللي فوق ونعدل لونها مره ثانيه للتناسب مع تلوين الكرفته او نسوي شوكلا بلون الاحمر المايل الى العنابي ونلون الكرفته
11-ناخذ شوكلا ابيض بس هالمره كميه شوي بس مو كبيره ونذوبها ونلون القميص(طبعا الرسومات اللي فوق القميص راح نرسمها بعدين(الكلر-الخطوط السودا
كيكه سبونج بوب2024 ,طريقه عمل كيكه سبونج بوب hayahcc_1356253376_159.jpg
ومن نفس الخليط نلون العينين لكبار بس بدون العين الداخليه (استخدمت السباتولا وبعدين حسيت اسهل لو استخدم الاصبع وطلع اسهل لي مع استخدام كميه محترمه من الشوكلا للعين
لاحظي معي العين غلطت برسمها وكانت الطبق الصفرا جامده وكنت مستخدمه السكين فماطلعت مرتبه بس مع التحديد صارت احسن فالرسم والطبقه الصفرا موقاسيه افضل
لاننسى الاسنان نلونها بابيض بعد
11-كميه صغيره من الشوكلا ملونه باخضر
نضع دوائر غير منتظمه الشكل بوجه الشخصيه
انا سويته وبعدين شلت نصه خفت مره ثانيه باحطه لانه من وجه سبونج بوب وعلامه له
كيكه سبونج بوب2024 ,طريقه عمل كيكه سبونج بوب hayahcc_1356253375_211.jpg
13-الشوكلا البني نلونه للبنطال
14-شوكلا ملونه بزرق لداخل العين
15-اهم خطوه بالنسبه لي لانه راح تحدد مظهر
سبونج بوب وتظهر بشكل جميل ومرتب وهي الزاميه برايي
شوكلا سودا يعني نحط اللون لين يصير الشوكلا اسود وليس رصاصي نحطها بكيس البلاستيك لحفظ الخضار ومقصوص بالطرف قصه صغيره (الشوكلا سائل يكون افضل يعني نخففه بكميه صغيره من لكريمه بس مو نخليه ماي بس سائل يمدينا نحدد به وبعدين يجمد
نحدد وجه الشخصيه كما الصوره وهاذا اللي راح يطلع الشكل الاخير يعني بدونه كانها وحده حاطه مكياج ثقيل بدون كحل
انتبهوا تكون الفتحه صغيره موزي حلاتي
يفضل وضعها بالثلاجه علشان تجمد وبالعافيه لاتنسوا نلون داخل العين بالاسود
- (H( \D4\E
