تفتيح ثنيات الجسم:
هنبدا بالتفتيح بثنيات الجسم وهي مناطق الركبه والرقبه والكوعين. وده لان المناطق دي بتتعرض دايما للاحتكاك سواء بالملابس زي الرقبه او بالسند على الكراسي او الترابيزات وده بيحصل مع الكوعين او القعود عليها زي الركبه ..
1- ماسك الشوفان بالليمون
المقادير:
معلقتين كبار شوفان.
معلقتين كبار عصير ليمون.
الطريقه :
اخلطي الشوفان وعصير الليمون مع بعض وادهني بيه مكان السواد في الركبه والكوع والرقبه وسيبيه لمده ربع ساعه وافركيه برفق وشيليه بالميه الدافيه وصابونه التفتيح اللي عملتيها، وبكده تاخدي الفايدتين مره واحده .
***********************************************
2- ماسك الدقيق
المقادير:
معلقه كبيره دقيق ابيض.
نص كوبايه لبن.
ذره كركم.
عصير نص ليمونه .
منقوع التمر الهندي.
الطريقه :
اخلطي المقادير دي كلها مع بعض وغطي بيها الجسم لمده 10 دقايق ثم دلكي برفق. والماسك ده استعمليه مرتين في الاسبوع لمده اسبوعين وبعدين مره كل اسبوع.
***********************************************
3- ماسك قشر الموالح
المقادير:
قشر ليمونه ناشف.
قشر برتقاله ناشف.
زيت اللوز المر.
زيت الجلسرين.
الطريقه :
هاتي قشر ليمونه ناشف وقشر برتقاله ناشف واطحنيهم لغايه ما ينعموا وحطيهم في علبه . خدي معلقتين او حسب المنطقه المراد تفتيحها وضيفي ليهم خليط متجانس من زيت اللوز المر وزيت الجلسرين بالقطاره لغايه ما يبقى الخليط زي المعجون وافردي المعجون على المناطق السمراء 10 دقايق كل يوم.
***********************************************
4- ماسك زيت الخروع
وده مخصوص علشان تفتيح منطقه الابط والمناطق الحساسه التانيه اللي هي مشكله بتعاني منها اغلب البنات خصوصا المقبلات على الزواج.
الطريقه :
تجيبي زيت الخروع وتدهني بيه المنطقه دي 3 مرات يوميا لمده شهر وهتشوفي الفرق.
***********************************************
5- ماسك الملح
المقادير:
زيت الزيتون.
ليمون.
ملح.
الطريقه :
سخني زيت زيتون وحطيه وهو فاتر على المكان اللي عاوزه تفتحيه وادهني برفق لمده 5 دقائق.. بعد كده هاتي ليمونه مقطوعه لنصين ورشي على وش الليمونه ملح وافركي بيها مكان الزيت.. اعملي كده مرتين كل يوم وقولي للسواد باي باي باذن الله.
***********************************************
ماسك لتبييض الايدين
المقادير:
1 معلقه كبيره عصير ليمون طازج.
3 معالق صغيره جلسرين.
1 معلقه صغيره ماء بطاطس مصفى.
10 نقط من خلاصه البنزوين “اشتريه من عند الصيدليه “.
الطريقه :
يضاف عصير الليمون للجلسرين ثم يضاف لهما ماء البطاطس. ثم يضاف البنزوين “اشتريه من عند الصيدليه ” نقطه تلو الاخرى… يقلب الخليط جيدا.. يحفظ المستحضر في زجاجه ثم يرج عده مرات.. يمكن استعمال هذا المستحضر عده مرات يوميا.
***********************************************
ماسك الرقبه وحاجات تانيه
والماسك ده مخصوص لبياض الرقبه والمناطق التانيه ..
المقادير:
3 معالق جلسرين.
1 معالق فازلين.
1 معالق زيت زيتون.
صفار بيضه .
عصير ليمونه .
معلقه صغيره خميره .
الطريقه :
اخلطي المقادير كلها مع بعض وحطيها على الرقبه والمناطق التانيه ساعتين كل يوم وهتشوفي بياض عمرك ما شفتيه قبل كده.
***********************************************
تفتيح الجسم بالكامل
بعد ما خلصنا تفتيح المناطق الغامقه ندخل على تفتيح الجسم بالكامل.. فيه كذا طريقه لتفتيح الجسم بالكامل..
ماسكات الحنه
الطريقه الاولى
المقادير:
نص فنجان حنه .
ربع فنجان ترمس مطحون.
شويه ميه للعجن.
الطريقه :
اخلطي المقادير كلها مع بعض لغايه ما تبقى زي الكريمه ، سيبي الخليط على الجسم 5 دقايق، وافركي الجسم بالليفه ، واغسليه بالصابون اللي عملناه لغايه ما يزول لون الحنه تدريجيا، وادهني الجسم بخليط متساوي من زيت الاطفال وزيت اللوز المر وعصير ليمونتين.
***********************************************
الطريقه التانيه
المقادير:
2 معلقه كبيره حنه .
عصير ليمونه .
شويه زيت زيتون.
الطريقه :
اعجني الحنه بعصير الليمون وشويه زيت زيتون وسيبيها على الجسم دقيقتين او تلاته وشيليها بالميه والصابون.
***********************************************
الطريقه المغربيه لتفتيح الجسم
المقادير:
5 معالق حنه .
8 معالق سكر.
5 معالق قرنفل مطحون.
معلقه صغيره كركم ناعم.
زيت لوز او سمسم.
الطريقه :
اخلطي المقادير الجافه كلها مع بعض، وحطيهم في علبه وعند الاستخدام خدي من الخلطه معلقتين، وضيفي ليها معلقه صغيره زيت لوز او زيت السمسم وسيبيه على الجسم ربع ساعه وبعدين شيليهم بميه كتيره جدا، ويا سلام بقى لو تعملي بعد كده حمام مغربي… وابقي ادعي لي.
***********************************************
ماسك الفازلين
المقادير:
نص علبه فازلين صغيره .
فنجان زيت الخروع.
فنجان زيت اللوز.
2 معلقه زيت السمسم.
عصير ليمونه ونص.
الطريقه :
اخلطي المكونات دي كلها وخليها على الجسم طول الليل واغسليها الصبح بالميه والصابون.
***********************************************
ماسك شمع العسل
وده بقى ماسك روعه لتفتيح وتنعيم الجسم بالكامل.
المقادير:
2 معلقه كبيره زيت اللوز المر.
2 معلقه كبيره زيت الورد.
1 معلقه كبيره جلسرين سايل.
1 معلقه كبيره شمع العسل.
1 معلقه كبيره حلبه مطحونه .
1/4 معلقه عشبه الزيزفون مطحونه .
الطريقه :
اخلطي المكونات كلها مع بعض واعصري عليها نص ليمونه واستخدمي الخلطه دي يوميا لمده اسبوع وبعدين مره واحده في الاسبوع وراح تشوفي الفرق..
***********************************************
علاج الهالات السوداء
الحقيقه علاج الهالات السوداء بينقسم لشقين؛ شق بالامتناع عن الحاجات اللي بتسببها، وشق تجميلي اللي هو الماسكات الطبيعيه .. وفيه كمان شويه وسايل مساعده ..
وسايل مساعده
1- الرياضه في الهواء الطلق ودي بتزود مستوى الاكسجين في الدم اللي بيعطيه اللون الاحمر الزاهي وبيكسب الجلد لونا ورديا.
2. النوم الكافي العميق والابتعاد عن السهر او على الاقل مايكونش السهر كل يوم.
3. الامتناع عن التدخين؛ لان النيكوتين بيؤدي لقبض الاوعيه الدمويه ، وده بيؤدي لتلون الجلد باللون الداكن، وكمان بتؤدي المركبات الكربونيه اللي في السجاير لتقليل كميه الاكسجين في الدم، فيصبح لون الجلد مضطرب.
4. عدم التعرض لاشعه الشمس مده طويله ، فان كان لا بد من ذلك، فيجب الامتناع عن التعرض المباشر للشمس من 11- 3 ظهرا، وان كان لازم يبقى تحطي كريم حامي من اشعه الشمس الضاره (استشيري الصيدلي).
5. اعملي تمارين استرخاء لعضلات الوش بصوره مستديمه ، استلقي لورا وحاولي تدلكي الوش في حركات دائريه وخاصه العينين.
6. احتفظي بجهازك الهضمي نضيف دايما، وتجنبي الامساك والتخمرات؛ وده عن طريق تناول الفواكه والخضار الطازه .
7. خففي من تناول المنبهات مثل القهوه او الشاي او الكولا لانهم بيحتووا على كافيين.
8. اشربي كميات كبيره من الميه والسوايل على هيئه عصاير فواكه طبيعيه وتجنبي المواد الصناعيه زي المشروبات الغازيه والعصاير المحفوظه .
9. التقليل من المقليات والاكل المعلب والمجمد والتيك اواي عامه .
***********************************************
ماسكات لعلاج الهالات السوداء
1 – ماسك البقدونس
المقادير:
حزمه بقدونس.
نص معلقه زيت اللوز.
الطريقه :
اخلطي حزمه بقدونس صغيره (الورق بس) مع معلقه زيت اللوز في الخلاط وحطيهم على الهالات السوداء لمده نص ساعه وهتشوفي الفرق.
***********************************************
2- ماسك النعناع
المقادير:
ورق نعناع مخروط او مدقوق.
معلقه ماء الورد.
الطريقه :
اخلطي ورق النعناع المدقوق مع ماء الورد وحطيه حول العينين مده 5 الى 10 دقائق.
***********************************************
3- زيت اللوز
دلكي المنطقه اللي حوالين العين يوميا بزيت اللوز قبل النوم.
***********************************************
4- شرائح الخيار
استخدمي شرائح الخيار ككمادات حول العينين مده 20 دقيقه . وبعد الخيار حطي كمادات قطن مبلوله بميه الورد لمده 10 دقايق وحاولي تعملي الحكايه دي كل يومين.
