ماهر زين للعروسين
ربنا سبحانه و تعالى خلق سيدنا ادم و خلقله حواء لتكون سكنه و من تحتويه و تحبه
و جعلها سنه الله بيننا
انه كلنا هنتجوز و هنفرح و هنصبح سكن لبعض
و اكيد مفيش ليله احب لقلب اي انسان قد ليله فرحه
اليوم اللي بيقول للدنيا كلها
انه اختار اللي هتكون حنانه و امه و حبيبته و زوجته
و اللي هتشاركه في كل ايامه
و بتبقى مجرد فرحته انه عريس كفيله بانه يكون فرحان
و اهله و حبايبه بيحسوها فرحه مختلفه اما ابنهم و اخوهم خلاص كبر و بيتجوز
و عشان المتدين متميز و راقي علطول
حتى في فرحه عمره
و في الليله اللي بيكمل فيها نصه التاني و بيبدا حياته الجديده
فرحته فرحه مختلفه فرحه جميله و بتسعد كل اللي حواليه من غير ما يغضب ربنا و لا ينقص من فرحه حد شيء
اول حاجه هياخدها العريس و العروسه النيه من الفرحه ديه
فرحتنا فرحه بترضيك يارب و هنكون بفرحنا الجميل و الممتع قدوه و مثال لكل الناس
هنسن السنه الحسنه
مين اللي قال انه الفرح الاسلامي كئيب و وحش و مش بيفرح اهلنا بينا
يا فرح اسلامي يا بلاش فرح غيره مينفعناش ده شعارنا
و عشان كده ده افكارنا عشان تكون ليله العمر ليله تفرح قلبنا و ترضي ربنا و تهدي غيرنا لانه يقلدنا و ميعملش حاجه تغضب ربنا يبدا بيها حياته
في الزفه
لازم تكون لنا لمستنا
لو نقدر نجيب اطفال صغيرين من سن و طول بعض
مثلا خمسه اطفال
يفضل يكونو بنات
اتنين على جنب
و اتنين على الجنب التاني ( واقفين قصاد بعض )
و واحده في وشهم ماسكه المصحف
و يبداو البنات على الاغنيه بتاعه الزفه
يعملو حركات بالاطواق يعني حاجه سلك على شكل دائره
بيمسكوها الاطفال و بتكون مزينه بالورد و القماش
بيبداو يعملو بيها حركات
مع الاغنيه اللي شغاله
يعني كل اللي عنده فكره مبتكره يحاول ينفذها
و يعمل فقرات منظمه للحفل عشان ميبقاش طول الحفله الناس بيتفرجو على العريس او العروسه
اول حاجه هنبدا بيها القران الكريم ( حاسه نفسي في اذاعه مدرسيه )
