ماهى الحلول لتخلص من تعفن الواح الجبس للاسقف
مشاكل الحوائط فمنازلنا ..واختلاف الحلول الهندسية ..
فكرت فطرح المقال لاني حاليا اعاني معاناة شديدة بسبب احد الحوائط فمنزلي …
بعدما قررت اعادة تجديد للحمام فمنزلي و قمت بدراسة المقال و وضع ترتيب للعمل …وشراء جميع المسلتزمات …
بدات مع عمال الهدم (اسمهم النحاتين ) او كما اسمتهم انا المخربين :sad:
يقومون بتكسير جميع الحوائط و الارضيات بعدما يقوم السباك بفك جميع الادوات الصحية المبجلة من الحمام ……وكذالك تفريغ السخان و فكة ….
فوجئت بمشكلة استشرت للان 3 مهندسين اناشائيين لما جابوا لي الجنان
حائط الحمام من ناحية البانيو مشترك مع حائط غرفة الابناء …..هنا المشكلة ذلك الحائط بعد تكسير السيراميك القديم مبلول بلل غير عادي حيث ان هنالك تسريب من جاري اللي فوقي ..دي اول مشكلة و المشكلة الثانية = كورنر السقف من اعلي هنالك امطار صيفية خفيفة الي معتدلة …وصل الحال الي المسلح …
طيب نعمل اية كنت فاهمة ان المقال 5 ايام حمام و 10 تجديد الغرفة باكملها ….
خدوا بقي عندكوا الاتي :
مهندس بيقولي انسي ان الحائط تنشف من ناحية غرفة النوم بعد ازالة البلاكار …!!!الشغل الصح تكسر البويات الزيت القديمة و نجيبها علي الطوب و تترك الحائط مدة لا تقل عن 6 اشهر ..وكل اسبوع يجي عامل بالباشبوري يحرق الحائط لكي تجف …!!!
تخيلوا استغني عن غرفة 6 شهور !!!!يعني ااقفل الحمام الحائط من ناحية ما قفيش مشكلة جاري يعالج مشكلة السباكة عندة و السباك يقوم بتغير جميع الوصلان الحديثة و بعدين العزل و يجي دور عامل السيراميك ….
طيب الل اية يعنى؟؟؟
حائط مبلول يا ناس هاهدم حائط كامل بيقولي التكلفة مش هاتقل عن 2500 للحائط فقط …
دا كان راي اول مهندس ….
نيجي بقي علي باشمهندس النهاردة ….
مين قال لحضرتك ان الحائط لازم يتهد و يتبني من جديد ؟؟؟
قلت له مهندس ربما الدنيا و قالي ان دة الشغل الصح ….وان اي راي تاني هايبقي شغل كلفتة و مش مضبوط …..
قالي ما فيش حاجة فالهندسة اصلا اسمها نهد حيطة طوب احمر عشان الحائط مبلول ….!!!
اصلا الطوب الاحمر بنغرقة فالمية قبل عملية بنائة ……..!!
في علاج مخصص لحواط يا مدام ….مجموعة اسمنتية خاصة و بهدها محارة و دهانات ..
دة كلام المهندس التاني ……
طيب اعمل اية ….اهد الحيط و دي هاتبقي كارثة لاني بقالي 3 ايام عايشة فجحيم عمالي و هدد و حاجة مؤلمة جدا جدا ….
نفسي يطلع كلام التاني صح ….!!
السباك بيقولي محدش بيهدم حيط عشان مبلول يا مدام طول عمرنا بتنشتغل علي حوائط بها مشاكل عمرنا ما شفنا هد حيطة عشان شربت ميه…
تصدقوا انني خايفة اخد القرار و بعد جميع العذاب و التكاليف دي تحصل مشكلة تانية و ارجع افك البلاكارات و الا الحمام يصل فية مشكلة …..
اجيب يعني شيخ المهندسن عشان يفتيني فمشكلة بسيطة زي دى؟؟؟
طيب لية الاختلاف كلي و جذري كده؟؟
مش دة مهندس و دة مهندس و الاتنين علي فكرة محترمين جدا جدا و اعرفهم معرفة شخصية زي اخواتي يعنى….يعني محدش بيقولي اصل لية مصلحة ….
هل يمكن اجد فالواحة من يساعدني بالراي الهندسي ؟
او حصل له نفس المشكلة و عالجها ازي …
قولوا يا اهل الهندسة اهد الحيطة و الا لا …
انا ما شية فالبيت عاملة زي الراجل بتاع افتح الشباب و الا اقفل الشباك …
باقي من الزمن 24 ساعة و لازم اتخذ القرار …وفي حالة هدم حائط سوف اترك البيت فورا ….زي اللي بيستعين بالنار من الرمضاء :cry2:
حلوها معايا ممكن نستفيد و نفيد غيرنا
- تعفن الجبس
