مخبز بعجينة سحرية

مخبز الكاوكاو على الطريقه العصريه

المقادير

– 500 غ كاوكاو محمص ومرحي رقيق

– 3 م.ك حلوه الترك

– تقريبا كاس سكر عادي

– قشور 2 حبات ليمون

– من3 الى 4 بيضات

– 4 م.ك عسل عاقد شويه

للكلاصاج

– بياض بيضه

– سكر رطب

– ماء الزهر

– لفاني

– ملون ( اختياري)

للتزيين

– عجينه السكراو اللوز

الطريقه

– نرحي الكاوكاو بعدما حمصناه من بعد نضيف عليه السكر+ قشور الليمون و نعاود نرحيه مليح في الخلاط من بعد نديروه في ليان و نضيف عليه حلوه الترك تكون مفته و نخلط

ثم العسل و نخلط ثم البيض نضرب بالحبه و نضيف بالتدريج حتى نتحصل على خليط متماسك و طري نخليها ترتاح في الثلاجه مده ساعه

بعد هذه المده على طاوله العمل المرشوشه بالمايزينه نحلل العجينه بالحلال بسمك 5 ملم و نقطعها بطوابع( راني قطعتو شويه رقيق في السمك) من بعد نديرها في صينيه مرشوشه بالفرينه و نخليها ترتاح مده

10د ثم نطيبها في فرن ساخن مده 10الى 15 دقيقه اي قيس مايشد

– للطلاء : ندي سكر رطب حوالي 500 غ + ½ لفاني+ بياض بيضه و نبدا نخلط حتى نتحصل على عجينه طبعا مع اضافه ماء الزهر بالشويه و في هذه الخطوه نضيف الملون مراد اضافته انا هنا خليتو على اللون الابيض و نخلط بيدينا بالعقل و نجمعها و هي ناشفه

ثم نبدا نضيف ماء الزهر غير بالشويه اي نحل العجينه حتى تولي كلاصاج بكثافه مضبوطه

نسكر حبات المخبز و هذا يعرف بالطلاء الملكي كي ينشف الكلاصاج نزينها بعجينه السكر حسب الرغبه انا زينتها بوردات صغيره ملونه بالازرق