مدح كلام الاصيل

مدح كلام الاصيل

والله ماني على مدح الرياجيل بخيل
خاصه لا جيت امدح في زحول الرجال

المشكله مدحهم حمل لا شلته ثقيل
من ثقلها ما يقدر عليها كبار الجمال

حتى لو تحاملت على حملها لابد يميل
مال الجمل حيله على حمل الاثقال

اجل وش حيله قلم بالقصايد يخيل
في معانيها صدق من مزون الخيال

قصيده ماهي غزل فالطرف الكحيل
ولا هي عتاب وشكوه حال دون حال

قصيده مدح في ذاك الشهم الاصيل
(ابو عزوز) اللي يشهد له فوح الدلال

سلام يا (ابو عزوز) يازحول الرياجيل
سلام عد ما على الصحاري من رمال

سلام عد ماهل المطر وسال المسيل
سلام عد ما اشرقت الشمس وطل الهلال

سلام ياللي له في قلبي مقر ومقيل
فداك العمر لو ان العمر للفنا والزوال