مواقف محرجة للمتزوجين

 

 

هذي بعض المواقف المحرجه للمتزوجات في اول سنه زواج 00 واتمنى الاخوات المتزوجات ما يزعلوا مني 00 وانشاء الله ما نطيح فيها 00

اولا
تقول الاخت زياراتها للمطاعم مع اهلها كانت قليله
المهم اول ايام زواجها دخلت مع زوجها المطعم قال زوجها للجرسون جيب لي المنيو.. وسالها وش تبين؟ قالت مثلك ابغى منيو.. زوجها تسدح من الضحك وهي تقول احسبها وجبه او طبق معين 0

ثانيا
وحده كان الخجل ذابحها تقول زوجها كان كل يوم يجيب بهالاكل في الفندق وهي البنت مسويه ما تشتهي وما تحب ومن هالكلام وما غير تناظر فيه وهو يلهط بالاكل
وذاك اليوم بالفندق جا الغدا وكالعاده زوجها سالها يلا يا حياتي تعالي نتغدى قالت لا كل انت بالعافيه انا ما اشتهي وهي مييييييته جوع وشبع الرجال ودق الباب ذاك الوقت المهم زوجها طلع وغاب اشوي وهي قالت في نفسها اكيد انه بيطول وما قدرت تمسك نفسها ومن كثر ماهي جوعانه ماسكه الدجاجه بكبرها وتاكل فيها !!! وفي هذه الاثناء وش صار >>> طب عليها عريس الهنا وهي متلبسه بالجرم
المشهود ومقبضه بيدينها الثنتين في الدجاجه والفم مفتوح عالاااااااااااااااااااااا خر وقال لها ها اشوفك منتي مشتهيه
وهي خلاص دوروها مسكينه ما تلقونها

ثالثا
في وحده شعرها دايم يحتاجله سشوار مهو بناعم المهم السشوار اخترب مادري وش صار فيه عاد هي ذكاءها قادها لفكره جهنميه وش سوت
راحت على طاولت الكوي وانسدحت وهاتك يا كوي بهالشعر
وبرضه زوجها سوالها صادوه يوم دخل واختنا في الله تكوي منسجمه
الرجال انهبل على باله تزوج وحده ماهي صاحيه

رابعا
وهذا موقف لوحده بشهر العسل تقول كنت مسافره خارج السعوديه واشتهيت مطعم عربي الله لا يعيدها المهم لقينا مطعم لبناني ورحنا له وحطوا لنا طبعاا قبل ما نطلب زيتون ومخلل
وجا الجرسون واقف فوق روسنا ياخذ الطلبات وزوجي يقوله الطلبات وانا احاول اصيد الزيتونه بالشوكه
مير تطير الزيتونه وتصقع وجه الجرسون وهو ياخذ الطلبات
قام قال عنا في لبنان ناكل الزيتون بايدنا
عاد مير ما اسكت وانثبر
قلت غريبه حنا عنا بالسعوديه نصيدها بالشوكه
وماسكها زوجي علي للحين كل ما شاف زيتون قال هاه بالشوكه والا بيدك خخخخخخخخ

خامسا
وحده تقول انا متزوجه ولد عمي
و اول ما تزوجنا رحنا بريطانيا منها شهر عسل ومنها هو عنده دوره
المهم تقول مره دخلنا المطعم واخذت المنيو وقعدت اناظر الكلام كله انجليزي وانا ما اعرف ولا حرف بالانجليزي
تقول هو اختار والجرسون واقف عند راسي يحتريني اختار قالي زوجي تبين اساعدك بالاختيار
قلت ليش طايحه من عينك انا اعرف اختار المهم تقول اخترت طلب محطوط في اطار وحركات
قلت اكيد هذا شي حلو وقلت ابي هذا قال زوجي متاكده قلت ايه اصلا من زمان اطلبه لما كنت اطلع مع اهلي
تقول قالها طيب ابشري وهو يضحك ويوم جابوا الطلب هو
مكرونه وحركات وانا وجبه اطفال !!

سادسا
يقولون فيه وحده تستحي من زوجها بالمره تضايق الزوج وكلم خواته يكلمونها وكلم ام زوجته كذلك المهم ازعجوها امزحي مع زوجك امزحي والعبي واضحكي معه قالت ما اقدر المهم طولوا عليها بالكلام
وفي مره من المرات وهي مع زوجها سبقها زوجها بينزل مع الدرج قالت فرصه امزح معه شوي علشانه مايشوفني المهم دفته مع الدرج الا وهو في اخر الدرج متشقلب وقاعد يون ويصيح من الالم قالها وش فيك كذا جلست البنيه تصيح وتقول كله من اهلك يقولون امزحي معه وهذي اخرتها

سابعا
بقولكم اليوم عن وحده اول ايام زواجها تقول كنا طالعين واحتجت الحمام مرررررررررره بس مستحيه اقوله وهو شكله ماعنده نيه يروح لمكان فيه حمامات المهم تقول عجزت اتحمل وجلست افكر باسلوب حلو ما يخرب برستيجي عنده قلت خلاص بقوله ابغى دوره المياه احسن من كلمه الحمام
تقول وانا ميته من الفشله قلت ابغى اروح لدوره الحمام مادريت الا الرجال يضحك ويقول يا عيني على الاتيكيت0
………………………………………….. ………

تقول بنت خالي ان بيوم زواجها جتها الدوره ياعمري
وتقول لما رجعو من الزواج وجلسو على ماتعشو وكذا الااذن الفجر

قام فرش لها السجاده عشان تصلي وهي ماعلمته ان جايتها الدوره استحت منه

المهم فرشها وطلع للمسجد قامت هي وصفطت السجاده على انها مصليه

وتقول رجع وقام سئلها صليتي قالت ايه وقعد يسولف معها
المهم قرب منها وهي بعدت عنه وتقول لا مايصلح

ماااايصير وكل ماجاء يقرب لمها بعدت وتوخره عنها وتقول مايصير المهم الرجال بدا يخافيبي يعرف وش السالفه !!!

قال فيك شي انتي

بعد عده محاولات قالت له ان جايتها الدوره قال طيب ليه لما سئلتك صليتي قلتي ايه

هي سكتت وراحت تنام من الفشيله وجا قالها تراك نايمه بالروب

بنت خالتي تقول ..

يكلمني وانا معه بالسويت ماارد .. فقد الامل فيني تقول خخخخخ

قال متزوج طرمه انا .. قلت له لا بس مالي خلقك <<== تكرونيه ..

تقول راح بدل ودخلت بدلت وانسدح عالسرير يابنت الناس تعالي

يابنت الحلال تعالي وهي معنده لا ابي اقعد عالكنب خخخخ

يابنت الحلال والله بعطيك ظهري بس تعالي لا يتعور ظهرك ..

تقول وازمر عليه واقوله وبعدين معك خلاص ابي انام عالارض وتقول اسحب المخده

وانخمد عالارض خخخخخخ

وهو والله ماتنامين على الارض اطلعي عالسرير انا بنام

تقول وراح نام عالكنب وانا عالسرير ..

عاد تقولنا حسيت اني نذله لنه هو تعبان وعن جد فيه نوم بس انا من الروعه منسدحه

ومانمت وطول الوقت اطالع فيه ،،

………………………………………….. ………………………………………….. ………
يوم وصلت الاوتيل واذن الفجر طلع زوجها يصلي وهم كانوا حاطين ع الطاوله بالصاله انواع التشوكلت
والقاتوهات \ والبقلاوه وكل شئ اسمه حلى ..

المهم يوم جا بيطلع يصلي قالها ليش ماكلتي حلى ؟ قالت لاشبعانه ( وهي نصابه بطنها يقول اعتقيني لوجه الله )
اخذ كل الحلا وحطه بالثلاجه عشان مايخرب .. وطلع يصلي اول ماسمعت صوت الباب تسكر تبع سويتهم على طول هي
طيران ع الثلاجه تبي تاكل وتنعش نفسها !وراحت الاخت افتحت الثلاجه ومن الجوع جلست ع الارض وتربعت وجلست تاكل وكل عشوائي
بسرعه قبل لايجي زوجها ههههههههههههههههه
تقول شكلي غلط كاشخه وجالسه هالجلسه وكل كاني اول مره اشوف اكل

الا بعد دقيقتين تسمع واحد يقولها ( كل هذا مستحيه مني ؟ )
وهي دورا وجهها راحت فيها ياحياتي هو رجع ياخذ المفتاح نساه على طاوله الاكل بالمطبخ ..
ويوم شافته قامت تبكي من الموقف المحرج !
وهي تبكي تقوله والله جوعانه والله ابي اكل .. والله … والله …. بلا بلا
قام حضنها وقالها طيب ماقلت لك شئ سوي اللي تبين بس لاتستحين مني !
هذي وحده من البنات تقول ما شفت زوجي زين يعني ما اعرف شكله
وهم باول ليله بالغرفه وهي بقوه خجلانه منه قالها انو بينام
وانسدح على السرير وتراقبه الا نام
وتروح تقرب منه تبي تشوفه البنت زين
وتوقف قدامه وهو منسدح على السرير
وتتمقل يعني تناظر بقوه
والبنت خشت جو وهي تناظره
الا تشوف شفايفه تتحرك ويقول هاه خلصتي ؟؟
طلع ما نام توه
يلقعها فشله كذا
تذكرت موقف بنت خالتي يوم زواجها ..

ليله زواجها جتها (ام عزيز ) << قصدي الدووره ..

المهم تقول ان زوجها رفع يده بيحط يده على راسها ..

تقول هي اني صرخت ذيك الصرخه تقول كل الي في الاوتيل سمعوني … وقالت له فيني الدوووره

اثر الرجال كان يبي يقول دعاء الرسول للزوجه

ومن المواقف وحده اول مادخلو الغرفه وجلسو يسولفون جلس الرجال يطالع في عيونها ويقولها

فلانه والله اني احبك انحرجت البنت ماتدري وش تقول عشاناول مره تسمع الكلمه وش ردت
عليه الرومنسيه مسويه فاهمه الاخت قالت له احبك الله الذي احببتني فيه والله بريئه البنت

هذي ياحبيباتي وحده يوم زواجها ماتبي زوجها يسوي اي اكشن
المهم قالت له انا مابي اي شئ يصير وماابيك تنام عندي في الغرفه
هو عاد عطاها وجه وقال لها اووووووووووكي ماراح اسوي شئ لين انتي تجيني بنفسك
المهم البنت الله يهديها سوتها
ماطلع الرجال من هنا ونام في الصاله
ماادري اللقافه او الفضول او انها ندمت من جد انها طلعته
المهم تجيه وهو نايم وتناظر تبحلق في خشته
وطععععععععععععععععععععععع ععععععععععععععععععععععععع عععععععععععع
الا هي طايحه عليه
قام قالها
انتي اللي جيتيني بنفسك

ذي صديقتي ليله زواجهاا تقولي مره كنت متوتره يووم ركبوني السيااره والعريس جنبي عااد جاايبن سواق يسووق عن العريس

تقول جالسه افرك في يديني ورجوولي اتلمس الجيبووون وتقول فخذي احس مره ثقيل وتقول واحط يدي علي فخذ وافركه عااد ذي رجلهاااللي يم زوجهاا اثريهاا حاطه يدهاا على فخذ زوجهاا وتفركهاا .. ما استوعبت الا هو يقووله اصبرري لين نروح البيت

بنت خالي تزوجت واحد مره عفوي وعلى نياته .. تقول ليله الدخله في الفندق يوم لبست وطلعت لقيته يتابع مسرحيه لعادل امام وفاقع ضحك وساحب علي

اقولكم هذا الواحد

كان بيتزوج

وقبل زواجه بيوم او يومين
دخلت عليه اخته المتزوجه

وتقول لقيته لاف المنشفه ” الفوطه ” على خصره

وجسمه يلق

قالت له وش مسوي

قال شلت شعر جسمي كله وش فيها

هي فقعت ضحك

قات له يالكمخه مايشيلون كل الجسم
بس الحريم

يعني ياشباب اللي توطوطون هنا انتبهوا لاتشيلون

<<<< تخيلت الشكل
رجال بدون شعر

ههههههههههههههههههههههههه هههههههههه

وركب بيض

بقول لكم سالفه بنت خالتي
ههههههههههههههههههه

هذي الله يسلمكم يوم جا يوم زواجها وكذا

وكلنا ب القاعه وسوت ميك ابها فيذااك

وبدت ب التسريحه

الا تذكر ان الشرعه اوب معاها !!!!!!!

وين شرعتي !

وين طرحتي !

وين وين وين

لالالالالالالالا ابيها بسرعه جيبوها

( كانو مودينها ل مغسله عشان يكويها ويسنعها لها )

اثاري الوقت متاخر كان ع 11 وشوووووي

طار اخوووووووها ل المغسله

لقاها مقفله

ياربيه

يمين يسار

يدور باللوحه حقت المحل يمكن موجود رقم جوال !

مافيه شششششششي !

قام وش سوى !

كسر الباب

نعمه ان الباب كان قزاز

قام كسسسسسسره اللي مايلعب .. وخذا طرحت اخته وجابها

انزفت وكلش

وخلص الموضوع ب سلام

قام من بكره الصباح راح ل المغسله

لقا الشرطه .. وراعي المحل وهالناس يعني

قال احم احم

صبحهم ب الخير .. شسمه يعني مدري من وين ابدا الموضوع بس ترى انا للي كسرتها

وزفت اختي وابتلشت
واي تعويض تبعا حاااااااااااااااظر

قال صاحب المغسله

ابد مانبي الا سلامتك والتوفيق ل اختك

• مواقف محرجه للمتزوجات
• مواقف محرجة اليوب توب
• مواقف محرجه للمتزوجين
• قصص زواج محرجة
• حركات بنات محرجة
• قصص متزوجين محرجة
• زوجي وطلباته المحرجة
• نايمةبالروب
• مواقف متزوجين
• مواقف محرجة