المقادير
علي حسب عدد افراد الاسره
عدس ابو جبه يعني اللي فيه قشره غامقه
رز مصري
مكرونه حجم صغير
بصل مقطع شرايح رفيعه ومقلي
صوص طماطم مكونه من
بصل مفروم ناعم + ثوم مفروم + طماطم مفرومه ف الخلاط
ملح + فلفل اسود + كمون + شطه حاره
صوص الثوم والخل
مكون من :
خل + ماء + ثوم مفروم + شطه+ ملح + كمون
طريقتي بالتفصيل يمكن تكون مختلف شويه ولكن الطعم مركز واحلي من المطاعم بكتيييييييير
اولا
بحمر البصل الاول في زيت غزير عشان يكون مقر مش
وافرده علي ورق مطبخ ليمتص الزيت الزائد
ثم ارش عليه قليل من الملح والكمون بيعطي طعم رائع للبصل
ودي صوره البصل المقرمش
وخلي بالك اوعي تغمقي لونه عشان مش يكون طعمه مر
بعد كده طبعا انا بقول الخطوات بالترتيب عشان نستفيد بالزيت اللي حمرت فيه البصل
وكمان لان الزيت بيكون اخد طعم البصل
باخد الزيت واطبخ بيه العدس والرز والمكرونه
وبكده استفدت منه بدل ما ارميه
وف نفس الوقت بيعطي طعم حلو
المهم نضع قليل من الزيت في حله ع النار
ثم الماء وشويه بصل من اللي قليناه
ولما يغلي الماء نضع العدس المغسول والمصفي
واحط كمون اهم شئ
وكتري كميه الماء لان هاناخد منه للرز
ولما يقرب ع الاستواء نضع الملح
اه ونسيت بحط مع العدس نصف مكعب ماجي
وبعد ما يستوي بصفيه من الماء واسيب العدس شويه ع نار هادئه
لغايه مايتبخر من المايه وينشف تماما
ثم في اناء اخر نضع شويه من زيت اللي قليت بيه البصل
واضيف ماء العدس واظبط الملح ولما يغلي اضيف الرز
واخليه يستوي عادي ذي طريقه الرز العاديه
ودا شكل الرز بياخد لون حلو وكمان طعم
بعد كده
المكرونه
ودي طريقتي فيها مختلفه شويه
بدل ما اسلقها ويكون مش لها طعم
بطبخها مثل الرز تمام
في اناء نضع شويه زيت
ثم الماء ومكعب ماجي وشويه فلفل اسود وملح
واخليهم يغلوا ثم اضيف المكرونه
مع مراعاه ان تكون كميه الماء يادوب تغطي وجه المكرونه
واهدي النار جدا
واخليها تستوي مثل الرز
ودي بتكون طعمها احلي بكتيير من المسلوقه
اخدتوا بالكوا من كميه المايه
وكمان بعد ما استوت مفلفله ولذيذه
بعد كده نجهز الصوص
نضع بصله صغيره مفرومه ناعم مع فصين ثوم مفرومين ونشوحهم شويه ع النار
ثم نضيف الطماطم المعصوره
ومعلقه كبيره خل
وملح وفلفل اسود وشطه للي بيحب الحراق
بس اكيد الكشري لازم يكون حار جدا
ونسيب الصوص يتسبك تماما ع النار
ودا شكله
بعد كده نجهز صوص
الثوم بالخل
وكمان طريقتي فيه مختلفه شويه
في اناء صغير نضع
3 فصوص ثوم مهروسه
وربع كوب خل
وماء
وملح وفلفل اسود وكمون وشطه مجروشه
واخليهم يغلوا غلوه واحده ع النار
عشان كل حاجه تاخذ من بعضها ف الطعم
او تجهزيه ع البارد وتسبيه منقوع مع بعضه وتسبيه ف التلاجه بضع ساعات
