السلام عليكم جارتي بطبوط معمر بالكنصه ديال البيبي
جارتي عندك الكنصه ديال البيبي فالثلاجه و بغيتي ديري بيها
شي شهيوه زوينه و بنينه فنفس الوقت وتعجب الكل هاهيا
جارتي العزيزه كنتمنى تجربيها لانها كتعجب الكبار و الصغار
بطبوط معمر بالكنصه ديال البيبي
نبداو بسم الله
مقادير بطبوط معمر بالكنصه ديال بيبي :
مقادير العجين:
250 غرام طحين فورص
250 غرام طحين قمح
شويه الخميره ديال الخبز
ملح
ماء للعجن
مقادير الحشوه :
500 غرام كنصه ديال البيبي
بصله
كمون
ابزار
تحميره
ربيع مقطع
ملح
ضامه البنه ديال الدجاج
زيت للقلي
فرماج ساندويتش
طريقه تحضير بطبوط معمر بالكنصه ديال بيبي :
كنبداو بالعجين كنخلطو الطحين فورص و القمح و
الملح و الخميره و ندلكوها مزيان و نخليوها تخمار
وملي تخمار نسرحوها فوق طبله
و نقطعو بشي كاس او جبانه
ونخليوهم يرتاحو لمده من 10 تال 20 دقيقه ونطيبوه
وندوزو نوجدو الحشوه دابا نقطعو الكنصه طريفات صغار
ونديرو فمقله الزيت و نقطعو البصله ونشحروها و نزيدو عليها
الكمون الابزار و التحميره و الربيع و الملح و ضامه البنه
ونخليوها تقلى ف 20 دقيقه تقدري تحتاجي
اكثر او اقل ديال الوقت باش تنضج الكنصه
من بعد نفوكو البطبوط ديالنا ونعمروه بالحشوه
ونديرو من الفوق فرماج ديال السندويش
وهاهوا جارتي بطبوط معمر بالكنصه ديال البيبي
جاهز كنتمنى تجربيه
و لا تنسونا من دعائكم جاراتي الحبيبات .
