طريقة عمل قاطو البيضة

كيفية عمل قاطو البيضة

حلوى البيضه
///////////////
المقادير:
250غ مرغرين بحرارة الغرفه
60غ سكر رطب
100غ نشا
بيضة صفار بيضه
فاني
نصف م ص خميرة ما نكثروش حتى الحلوى تحافظ على شكلها
فرينه
للحشو:
روعة الترك يمكن نعمل نواد كوكومرحى و نلمة بالمعجون و نضيفلة ملون اصفر حتى ياخذ لون مح البيضة .
الطلية
سكر رطب من النوع الجيد اني استخدمت المرجان
ماء معدني
ماء الزهر
عصير ليمونه
كمية من النيسكافية مذوبة في الماء
ملون برتقالي
نحتاج ايضا الى
ملمع فضي
ورق الطهى لصنع عش البيضه
الكيفية
نحضر عجينة الصابلي
نخلط المرقرين مع السكر بالخلاط ثم نضيف البيضة و صفار البيضة و نحرك ثم الخميرة و الفانى و النشاء و نلم
بالفرينة بلا ما نعجن حتى نتحصل على عجينة متماسكة ما تكون=طرية ما تكون=يابسه
نشكل كويرات من العجينة بحجم 30غ و لى حابة حجم صغير تعمل 25غ نحشيها بشوية من روعة الترك نعاود نغلقها و نكورها
لتشكيل ذلك الحلوى يلزمنا مول راة متوفر في السوق شفاف و بيضوي
ولى ما عندهاش يمكن تعوضة بعلبة بيضة شكولة كيندر
نحط داخلة كيس بلاستيكى حتى يسهل نزع الحلوى بسهوله
نحط الكويرات المحشية داخل المول و نضغط عليها حتى تاخذ مظهر البيضه
حطها في الصينية خاصة بها مظهر البيض نملا مول الصينه
ندخلها للفرن تطيب على 180د
خليها تبرد تماما من بعد نحضر الطليه
الان نقوم بتحضير الطليه
هذا المرة عملت الطلية بدون بياض بيض لان كيما سبق و خبرتكم ان هو لى يخليها تبس بالخف
فى اناء نحط السكر الرطب يصير مغربل و نضيفلو ماء الزهر حتى نتحصل على عجينة نعجنها شوية باليد
نضيف عليها عصير ليمونة و نحرك باليد
نضيف شوية من الماء المعدنى حتى نتوصل للقوام المناسب
بعدها نضيفلها كمية من النسكافية المذابة في القليل من الماء و شوية ملون برتقالياو ممن ابيض ….. حتى نتوصل للون المناسب للبيضه
فى ذلك النوع من الحلوى لى يذوب في الفم من الاقوى ناخذ مشبك و نحط داخل صينية نحط حبات الحلوى فوق المشبك و نهز الطلية بالملعقة و نحطها فوق الحلوى و نحرك المشبك حتى تهبط كمية الطلية الزائدة بالتاكيد نعاود نستعملها مرة اخر
نترك الحلوى تنشف تماما من بعد نلمعها بالقليل من الملمع الفضي
حتى نزيد من جمالية الحلوى و تخرج و كانها بيضة حقيقية نعملها اعشاش
ناخذ ورق الطهى و نفوتة في الماشينة في جهة الرشته
نحط الحلوى في ليكيسات ناخذ كمية من الورق لى حضرنا نلفة حول نفسة من بعد نحط ساير داير على البيضة و نقدمها

صورة طريقة عمل قاطو البيضة

صور

صورة طريقة عمل قاطو البيضة

  • قاطو البيضة
  • كيفية تحضير قاطو البيضة
  • مقادير قاطو البيضة
  • قاطو على شكل بيضة
  • قاطو بيضة
  • gâteau bi alhalkoum
3٬062 views