مكرونة بشاميل بالخضار بدون لحم

مكرونة بشاميل بالخضار بدون لحم

صورة مكرونة بشاميل بالخضار بدون لحم

صور

نص كيس مكرونة فرن مسلوقة بالتاكيد يمكن تزودى الكمية براحتك)

طماطم قطع صغير

فلفل اخضر قطع صغير

زيتون مخلى مقطع

البشاميل

5 ملاعق دقيق

حتة زبدة كبار

مكعب مرق يمكن اللى مش بيحبوة يستبدلوها بكوباية شوربة

3 كوبايات لبن و كوباية مية

ملح

فلفل

رشة جنزبيل بودر

رشة قرفة بودر

نص معلقة صلصة

انا دايما بجيب البشاميل الجاهز بس المرة دى حبيت اجرب البيتي و طلع جميل جدااا و طعمة حلو اوي

الكيفية

نخلط المكرونة مع الخضار

نبتدى نجهز البشاميل

نجيب حلة و نحط فيها حتة الزبدة و الدقيق و نقلب كويس و يدوب الدقيق يصفر

تحطى اللبن و المية و تقلبي كويس جدا جدا لحد ما الدقيق يمتزج فيهم

بعد كدة نضيف مكعب المرق و الملح و الفلفل و الجنزبيل و القرفة

ونقلب كويس جدا جدا على نار هادية لحد ما البشاميل يتقل

انا مش بحب البشاميل يبقى تقيل اوى بحبة معقول عشان بيبقى كريمى و حلو اوى لما المكرونة تستوي

بعد ما يتقل البشاميل بضيف له نص معلقة صلصة بتدى لون و نكهة رائعة

كدة يصير البشاميل جاهز

بجيب الصنية و احط فيها شوية بشاميل و اضيف عليهم المكرونة و الخضار و افردها كويس في الصنية

بعدين بصب البشاميل على المكرونة و اساوية بحيث يغطى السطح كله

ويمكن تضيفى جبنة موتزاريلا او تركي و يمكن لا

انا المرة دى ما ضفتش حاجة

وتدخليها الفرن لحد ما تتمساك و الخضار تستوى يعني ربع ساعة او تلت ساعة حسب الفرن بتاعك

وبعدين بولع الشواية عشان تاخد الوش الجراتان الجميل

دة الشكل النهائي


 

  • معكرونة بالبشاميل بدون لحمة
1٬981 views