روبيان بالبقسماط روعه
وبركاته
جربي طريقتي اللذيذه وما راح تندمين.. وهذي المره الثالثه اسويها من لذتها
نبدا بالمقادير:
– روبيان مقشر ونظيف تقريبا من 20 الى 25 حبه.. ويفضل لو يكون جامبو.
– ربع كوب صغير زيت.
– ربع كوب عصير ليمون.
– ملعقه طعام خل ابيض.
– ملعقه صغيره ثوم مدقوق.
– نصف ملعقه صغيره فلفل اسود.
– رشه ملح.
للتغطيه :
– بقسماط.
– بيضتين.
– طحين رقم 1.
الطريقه :
تفرشين الروبيان وادقينه شويه .. بدون ما تشيلين الذيل..
تخلطين الزيت وعصير الليمون والثوم والخل والفلفل الاسود.. تخلطينهم عدل وتصبين الخلطه ع الروبيان وتغطينه.. وتخلينه بالثلاجه من نص ساعه الى ساعه او اكثر شويه..
طلعي الروبيان من الثلاجه ونشفيه بفوطه نظيفه.. خذي حبه حبه.. واول شي اغمسيه في الطحين وعقبها في البيض واخر شي بالبقسماط.. وعقب ما تخلصين الكميه ارجعي حطيهم بالثلاجه نص ساعه..
هذا البقسماط اللي استخدمته
سخني زيت غزير واقلي الروبيان وخلي الزيت على نار هادي.. وبعد القلي حطيهم على اوراق ماصه للزيوت..
يلا جربوا وعطوني رايكم..
