شعر للعيد

كل عام وكل يوم وكل لحظه من سنينك
وانت ياعيدي بخير وكل اعيادك هنا
؛
؛
للعيد طيب وطيب عيدي هل الطيب
واطيب عطور العيد عندي معايدك
؛
؛
عيدك مبارك يابعد كل الاعياد
ياعزي الشامخ ويانور عيني
؛
؛
ابي كلمه تروي ضماي ايام وشهور
عيديه من فمك يقطر عسلها
؛
؛
عسى عيدك سعيد وجعلك بعيدك بعد مرتاح
عساك بخير في كل السنين ودوم متعافي
؛
؛
العيد والله شوفتك ياهوى البال
وبدون وصلك مالعيدي حلاتي
؛
؛
العيد بك عيدي انا يوم اشوفك
وباقي لبشر ماظن شوفتهم اعياد

اقول في نفسي وانا اعايد الناس :::::متى بشوفك تكمل افراح عيدي
اجامل وربي عليم بالاحساس ::::::: وشهو شعوري وانت عني بعيدي
اللي خذاني لك على سهو هوجاس ::::: حسيت نفسي وسط ربعي وحيدي
لو حسوا بما بي يقولون لاباس ::::::: بدال قوله على عيدك سعيدي
لاصرت عندي وقتي اعياد واعراس:::: حتى ولو اني وسط سجن حديدي
عاشرت خلان وتخالطت باجناس::::: محد سواك اهديته القلب بيدي !!
من تحت ما طا الرجل لي هامت الراس:::: كلش هويته فيك والله شهيدي
لقيت بك ذوقي وانا قاطع الياس:::::: ومعك بدا يحيا الامل من جديدي..
……………….. ……………….. ……………….. ……………….. ……………….. ……..
وشاعر اخر يقول:

كلن نهار العيد عايد حبيبه:::::: والتم شمل القلوب المواليف
وانا حبيبي غايب الله يجيبه:::::::ويا حسرتي كان انتهى العيد ما شيف!!
……………….. ……………….. ……………….. ……………….. ……………….. .

اجيك مقبل والفرح محتويني
طويت حزني واكتسيت السعاده
فرحه بوجهي وابتسامه بعيني
وثوب جديد وعطر ريحه زياده
ادري الحزن له موقعه في جبيني
وادري البكا في داخلي وبعناده
وادري انا ما اختار شي(ن) يجيني
اقدار من ربي ولا لي اراده
باستمحك يا حزن تطلق يديني
باذوق يوم العيد طعم السعاده