ليله حب
ياللي عمرك ما خلفت ميعاد في عمرك
الليله دي غبت ليه ؟ حيرني امرك
اخرك ايه عني ؟
مستحيل الدنيا عني تاخرك
بالامل مستني
سهران تجيني يا حياتي واسهرك
تعال العمر كله نخلصه حب الليله دي
تعال شوق العمر كله نعيشه م القلب الليله دي
ما تخليش اشواقنا لبكرا
ما تخليش فرحتنا لبكرا
كان اول ليله للحب الليله دي
يا حبيبي ونبض قلبي ونور حياتي
يا ابتسام ليلي هنا واتلهف لك
هديت الدنيا هنا واتلهفت لك
كلها معايا هنا اتلفتت لك
الربيع الورد النبع اللي جاري
كلهم ويايا اهم مستنين
كلهم يا حياتي لك متشوقين
لحبايبك ولقلبي انا
لليالي الشوق ونداها لنا
ما تعذبناش
ما تشوقناش
وتعال نعيش فرحتنا هنا
تعال حب العمر كله
تعال شوق العمر كله نعيشه م القلب الليله دي
ما تخليش اشواقنا لبكرا
ما تخليش فرحتنا لبكرا
كان اول ليله للحب الليله دي
لوكل حب في كل قلب اتجمعوا انا حبي اكتر
ويايا ويايا وانت بعيد ويايا
خيال وشوق بيزيد ويايا
كل شىء حوالي بيفكرني بيك
كل نور ف عيني فيه ضحكه عنيك
ادى الشموع اللي ابتسامتك نورت فوقها الدموع
ادى خطوتك ادى همستك ادي ضحكتك
تعال للاحلام للحب للالهام
وقد ما يحلالنا نسهر وغيرنا ينام
تعال شوق العمر كله نخلصه حب الليله دي
تعال حب العمر كله نخلصه حب الليله دي
ما تخليش اشواقنا لبكرا
ما تخليش فرحتنا لبكرا
كان اول ليله للحب الليله دي
تعال العمر كله نخلصه حب الليله دي
ياللي فايت لى الليالي الحلوه والذكرى الجميله
ياللى ويايا بحنانك تحيي امالى العليله
انت ويايا فى خيالي الليله دي وكل ليله
فى المكان ده يا حبيبي
ياما جينا وياما ضمتنا الليالي
فى المكان نفس المكان ده
ياما طرنا ف العلالى الليله دي
يا حياه روحي هنا ف نفس المكان
جيت انا وشوقى وقلبى والحنان
جينا نستناك جينا نترجاك
جينا نفرش بالامل سكه خطاك
ومهما غبت على حتجينى بعد شويه
اخد ايديك فى ايديه واحضن عينك بعينيه
ونعيشها ليله عمر بكل عمر الدنيا
