طريقه عمل السجق البلدي
الوقت
وقت التحضير : 15 دقيقه
وقت الطهي : 15 دقيقه
الوقت الكلى : 30 دقيقه
عدد الاشخاص
يمكنك تغيير عدد الاشخاص
المقادير
3 x معلقه كبيره زيت ذره
2 x معلقه كبيره خل
2 x معلقه كبيره زبده (او سمن)
1 x عدد فلفل اخضر حلو (مقطع قطع صغيره )
1 x معلقه صغيره فلفل اسود مطحون
1 x عدد بصله (مقطعه قطع صغيره )
1 x معلقه صغيره ملح
1 x عدد فص ثوم (مقطع شرائح)
1 x عدد طماطم (مقطعه قطع صغيره )
½ x كيلو سجق شرقى ((بلدى))
الخطوات
هنسلق السجق على نار متوسطه وهنشيل الريم اللى هيتكون على وش الماء بالمعلقه لحد ما الريم يختفى, بعدها هنرفع السجق من على النار ونقطعه قطع صغيره .
فى طاسه غويطه على نار متوسطه هنسيح الزبده ونضيف الزيت ونقلب فيهم شرائح البصل والثوم لحد ما يتحولوا للون الذهبى الفاتح.
هنضيف شرائح الفلفل ونقلب كويس
هنضيف قطع السجق والطماطم ونقلب كويس
هنضيف الملح والفلفل والخل ونستمر فى التقليب حوالى 10 دقائق لحد ما السجق يستوى.
هنقدم السجق فى ارغفه العيش الفينو وبالهنا والشفا
ملاحظات
يمكن تغيير كميه الملح والفلفل حسب الرغبه
