اجمل شتاوات ع الطول

كان ظليمه قول ظليمه … مانبوا نرجوهم ديمه
ظليمه مرجاي ومرجاه … تقاسمناها ناو اياه
نرجو فيه وهو ناسينا …. كان اهناك ظليمه فينا
اللى دايل يا عين بكاك ….طاول فى الغياب رجاك
عدا عمري غير انخاير …. نرجاكم ما نرجا حاير
ما جابت طول مراجتك **** واللى خفت منها جاتك
علي اثر المرجا يالولاف *** انتو صفتو والخاطر صاف
ذابت مالشوق حمامتا …. ترجا في ملقاك ايمتا
ارمام رجيتك يالقديم *** انكرب فيهن كل جهيم
يامرجا لولاف امطول *** كل نهار خلال تحول
نين ايشيب سواد حجاجي …. وانا في لولاف انراجي
رجا منا ماجاب رجا *** انظروا مرهونين ونا
قاعد في لولاف انراجي …. رافع يدي فوق حجاجي
رجيته وطاول مرجاي ..قهرني شمت فيا اعداي
مضت منى قوله نرجاك ***** سوا صار ماصار دناك
نرجاكم نرجاكم نرجى ونراجي حتى فالمرجا
نرجاهم نا نرجا نرجا .. حتى لو قسمو بالهرجا
نرجى نرجاهم نرجاهم ::::: نين ايسير اعزاز دناهم
لورجيت العمر ابطولى :::: مانى يالولاف ملولى
يامرهونين انراجيكم *** ماني للغير امخليكم
امفيت ايفرج الله على ……نرجاهم ماعندى شى
اطعمتك يا صوب امراجاه….ومره في العام املاقاه
عزيز بعد طول امراجاه …. امعاه توازت حول الله
غلا ماعندي غير غلاك .. انكمل عمري في مرجاك
حرام انكمل عمري هك .. انراجي في حاجه فالشك
بين رجاه ولط اقسامه …. رايح ريحه رزق ايتامه
ماني ع لولاف محول*** حتى كان رجاي مطول
فلي راجيناه مدايد ….. نا والعين تعبنا زايد
انراجو في بودور نضيد…. امراجاه الصايم للعيد
تبكى تسكت كى ترجاهم…….تشكى تجحد ضاع غلاهم
اتراجي في بارق ياعين…اشبوبه نازل ع الاخرين
اغيابك وملقاه اصدار … شهاده هن لثنين امرار
اطاول في لولاف رجاي …. اللي عدا كيف اللي جاي
يا لولاف على مهلكم…راجونى نين انقوللكم
عزيز اللي حازه النصيب *** نراجى كان رجاي ايجيب
لولاف انريد انراجيهم …….. نين يبات الحق عليهم
خلك يالقديم عليه *** رجاك ونا ماني ناسيه
اتباتي في قولت ننساه .. اتنوضي و تقولي نرجاه
نكمل عمرى فى مرجاك ….ان جابك ما جاب فداك
ياللي عابي عالقسميه ……. فيه رجيه دون رجيه
نا نرجى والغالى يرجى ….والمرجا يرجا فى مرجا
الخاطر مايرجا في حد *** ان كان سخر مولاك اجدد
ان زانت زين العين امعاك *** تراجيك ايام وتنساك
الخاطر مو ماسك في حد *** اللي تهلب ماعاد ترد
امفيت رجا مافيدي شي***ان فيه نصيب اساع ايجي