مقروط بالتمر في الفرن
المقادير 350 سميده رقيقه قياس 3 كيسان العنبه
130 دقيق قياس كاس و نصف
اعلان 3
130 زبده دايبه و بارده قياس كاس
نصف كاس زيت
نصف كاس صغير ماء زهر
كاس العنبه ماء عادي
ملح
طريقه تحضير المقروط
خلطت كل المقادير مع اضافه الماء حتى حصلت على عجينه مرخوفه بلا ما تدلك
خليتها ترتاح ساعه حتى تتشرب شويه طلقت نصف العجينه مستطيل
خذيت 300 غرام عجين تمر ضفت له معلقه زبده و نصف معلقه صغيره قرفه
طلقت عجين التمر بين 2 بلاستيكات تكون طبقه رقيقه
ثم وضعتو على العجينه و لويتو على شكل رولو من الاحسن نعملو ورق الزبده او بلاستيك
تحت من العجينه باش ماتلصقش تتكون مرخوفه بالنسبه لهاد الطريقه غادي نحتاجو كميه التمر اكثر
الى عملنا العجينه كلها بنفس الشكل نزيدو 100غرام حتى 150غرام
المستطيل عملت منو 2 رولوات ثم قطعتهم مائلين و نقشتهم بالمنقاش
و باقي العجينه عملت منها حربل كبير عملت فيه حفره و ضعت وسطها حربل عجينه التمر
جمعت عليه العجينه و حربلتو مره اخرى هذه طريقه سهله و اقتصاديه نحتاجو لكميه قليله من عجينه التمر
طبعتو بقطاعه الحلوى و قطعتو مربعات او نقشوه بحال الشكل الاول و ضعتهم في الطاوه و دخلتهم الفران
طيبتهم على 200 درجه حتى تحمرو بعد ما طابو خليتهم يبردو
تيجيو محمرين من التحت بحال هكذا بعد مابردو عسلتهم في العسل دافئ
يمكن لنا نحتافظو بهم في علبه بلا عسل حتى نحتاجهم ندفي العسل و نعسلهم
