كلمات اغنيه ناس بترقص وناس بتموت
الحقيقه واضحه وضوح الشمس
لكن ممنوع الاقتراب او اللمس
كلمه الحق في الزمان ده انتحار
لو قلتها تبقى ماشي عكس المسار
عندي بدل الاماره الف اماره
مالكوم اكس و غاندي و تشي جيفارا
ماتو بالرصاص عشان حسوا بالناس
ال ايه كانو عايزين العدل يكون اساس
جرب تقول حريه او عداله اجتماعه
جرب تقول مساواه او كرامه انسانيه
جرب تقول حقوق انسان او تعارض النظام
اوعي تفكر تفكيرك خط احمر
اخرك هتقدر تاخد عيش
عشان يسكتوك مش عشان تعيش
و لو صممت تمشى عكس الناس
الاجابه هتكون بالرصاص
ناس بترقص و ناس بتموت
و اعلى صوت فى الحفله صوت السكوت
الجهل وحش و من صناعه الانظمه
سلاح بينفع فى كل الازمنه
ادى الناس سمكه هيكلوا يوم
علم الناس الصيد هيكلوا كل يوم
العلم نور و النور علينا مش بيعدى
عايشين فى ضلمه والضلمه ياما بتخبى
قتل , حبس , دم , فساد و ظلم
اغتصاب لاى حلم عايشين فى سجن
و مع الوقت كل حاجه بتعدى
اكل العيش صعب بيخلى العقل يصدى
و الخوف ساكن قلوب الناس
و بيقتل جواهم الاحساس
يا اهالينا ده المستقبل لينا
متبقوش انتوا والزمن علينا
جيلكم ساكت ولا عمره اتكلم
دلوقتي جي ينظر ويعلم
ان الاوان الرايه تتسلم
ناس بترقص و ناس بتموت
و اعلى صوت فى الحفله صوت السكوت
ناس بترقص و ناس بتموت
و اعلى صوت فى الحفله صوت السكوت
